4大蒸气火锅推介日系风格、抵食$258龙虾套餐

蒸气火锅通常都以海鲜为主打，皆因咁先食到最原汁原味嘅海鲜！今期介绍4间人气蒸气锅畀大家，有全新嘅日系风格、太子人气抵食店、海鲜蒸锅放题及火炭小店，睇下边间啱你食～

日式木系蒸气锅虎啸日式蒸气专门店

蒸气火锅选择就有好多，但日系风真系好少有呀！呢间新开嘅日式蒸气火锅自设鱼缸养殖多款时令海产，保证食材新鲜。推介海鲜蒸气刺身套餐，套餐包括餐前小食、龙虾、刺身、北海道扇贝、鲜鲍鱼、酱油花螺、牛肉福袋、海虾、一夜干石持鱼、墨鱼滑、宫崎县生蚝、日式芝士乌冬、新鲜野菜盛合及甜品，最後仲会将所有嘅海鲜精华整成日式杂炊，食完原味後逐一加入紫菜、柚子胡椒、明太子、面豉，尽吸锅底海鲜精华，好鲜甜。期间限定长脚蟹套餐都好值得试，不过温提要早一日订同4人以上先可享用呀。

$258龙虾套餐锅心八鲜蒸锅

图: lovedining2016

锺意食海鲜嘅朋友一定对呢间人气蒸锅唔陌生～好食之余咁多年都仲保持住良心价，难怪咁受欢迎啦。呢度嘅海鲜蒸锅以套餐形式供应，暂时有3款海鲜套餐，好似龙虾套餐都系$258，包括足料炖汤、2款主海鲜龙虾同白蚬、自选6款时令海鲜及肉类如鲍鱼、海虾、蛏子、蚝、元贝及虫草花蒸滑鸡等，仲有八宝蒸饭都好出色，自选8种材料，味道有啲似煲仔饭咁好香～最後当然唔少得自家制炖甜品！