2022 Wine & Dine 11月登場!創意港式食材雞尾酒 免費派優惠券
2022-11-01

酒鬼們每年最期待嘅盛事又返嚟喇!今年Wine & Dine以「品味全城」 作主題,聯同近700間餐廳及酒吧推出極富「香港味道」嘅各式精彩餐飲活動, 更帶畀大家三大驚喜,包括融入香港味道嘅創意雞尾酒活動、喺海景餐廳Chill住嘆酒同埋試勻香港最潮餐飲。今年更首次送出5萬張美酒佳餚巡禮電子優惠券,憑券可以免費體驗「創意雞尾酒」及「遊『酒』海岸線」兩大活動,記得唔好錯過啦~


驚喜1: 創意雞尾酒 融入「香港味道」 

雞尾酒就飲得多,今年首次推出嘅創意雞尾酒活動有超過210間餐廳及酒吧參與,唔少酒吧或調酒師都曾經喺國際賽事中獲獎㗎。而且間間都好有誠意,特意喺雞尾酒內加入香港食材或地道口味,如「Hong Kong Fizz」,加入港式經典鹹檸七,口感清爽充滿酸甜香氣。另一款「HK Summer Fizz」就加咗令人又愛又恨嘅芫荽,口味好獨特。 另外仲有紫米露、茶餐廳鴛鴦同湯圓口味嘅雞尾酒呀。


驚喜2: 遊「酒」海岸線 多角度維港美景配美酒佳餚 

飲酒鍾意飲埋個景?第二個驚喜就係遊「酒」海岸線,特邀近160間可享全港多角度海景嘅餐廳參與,限定推出只需港幣150元嘅美酒佳餚組合菜單,等大家睇靚景都可以「Chill」住嘆酒。好似有北角臨海酒店頂層餐廳,三面偌大嘅落地玻璃外更設有戶外空間;仲有隱藏於尖沙咀充滿藝術氣息嘅餐廳,特設巨型玻璃窗,食客可邊眺望香港美景,邊享用鵝肝醬鴨肉凍同埋南澳紅酒呢個咁完美配搭。


驚喜3: 饗「味」全城 嘆盡香港最潮餐飲

淨係飲酒又點滿足到大家,今次亦聯同城中超過300間人氣餐廳推出饗「味」全城,為市民提供獨特嘅香港最潮餐飲體驗,如食勻全城特色早餐、超過200間人氣餐廳提供低至7折優惠嘅限時定價餐單及由師徒名廚聯手設計演繹「傳統.傳 承」嘅矜貴餐單。 


今年更首次送出5萬張美酒佳餚巡禮電子優惠券,憑券可以免費體驗「創意雞尾酒」及「遊『酒』海岸線」兩大活動,免費「電子優惠券」將分別於11月3日及17日上午10時派發,市民喺平台登記後,可於兩款電子優惠券中選取其一,儲存到其個人帳戶電子錢包中,即可到心儀餐廳酒吧使用,使用後亦可再次領取。 


 更多活動詳情:(按此)

 



关键字
雞尾酒
Wine & Dine
開飯專題
開飯仔為你提供各類型最新飲食情報及優惠,全面照顧你的飲食喜好。
本月热门
持續更新! 2024生日餐飲優惠放送
2024-06-04
【隨時更新】最後倒數!2024即將結業人氣/老字號餐廳
2024-06-04
【2024新店精選】6月更新! 嘆和風鰻魚飯、雞白湯拉麵
今天
【隨時更新】零食速報 每周新款零食、酒品點評
7天前
香港4大西班牙餐廳推介 屹立26年老字號、必食紅蝦熱狗
2024-06-07