嚟到年尾支出特别多,真系好容易使多咗。荔枝角最近新开一间专做台湾菜嘅外卖店,所有食物都系$30楼下,而且都系即叫即整,系诚意之作,大件夹抵食啊!
芋泥肉松吐司($13)
早餐限定嘅芋泥肉松吐司,芋头煲熟後分别切片同切粒,咁食嗰阵就会食到粒粒芋头,味道香浓,加埋肉松真系好足料~而且咁大件只系卖$13,而家真系好难搵到㗎喇。
古早卤肉饭($29)
呢个古早卤肉饭卖点就系大大件嘅卤肉,选用五花腩,卤汁甜咸嘅味道恰到好处。
台式肉松蛋卷饼($25)
讲到台湾菜又点少得蛋饼,呢度嘅蛋饼先将饼皮煎香,再加入鸡蛋煎成蛋皮,食落外皮特别香脆,比起台湾食嘅口感仲丰富。
另外仲有风味盐酥鸡($26)及凉拌皮蛋豆腐($19),盐酥鸡加入盐香粉及胡椒粉又几惹味,凉拌皮蛋豆腐又几开胃喎~
地址: 荔枝角长沙湾道833号亿利工业中心地下6A1号舖
文、相、片: Yanica