12月份好评餐厅十强
2019-01-14

都真系必须要讲句Time flies,咁就2019年喇。上年你哋做过啲咩?食过啲咩?新年立新志嘅同时,都做返个年尾回顾,睇一睇啱啱12月有边几间餐厅最後冲刺,打入十强。有好多间日本嘢呀,睇嚟大家返唔到乡下嘅都要食住家乡菜先~


第10位 满屋日本料理(*新上榜)

香港食放题选择咁多,呢间就成为今个月唯一上榜嘅日式放题店。除咗一般放题提供嘅刺身、寿司同炸物,有埋少见啲嘅朱古力喷泉、爆谷机同棉花糖机。另外仲有清酒、梅酒同啤酒任饮,甜品就有埋雪花冰食。

图:stephanie Lo山姆氏


第9位  咕咾(*新上榜)

尖沙咀新式小食店,主打酥炸咕咾肉,炸皮酥脆,食落Juicy软腍。特别之处系佢有唔同口味,如传统啲嘅菠萝咕咾酱、仲有蕃茄牛油果、金莎蛋黄、皮蛋红姜同他他酱,想中又得西又得。怕热气仲有夏枯草同竹蔗茅根饮。

图:foodiemoreNW Food stories


第8位 阿久根和牛立烧店(*新上榜)

唔止立食寿司而家连立食烧肉都有。由鼎爷个仔艺人李泳豪开设嘅日式烧肉店,卖点系以亲民价享用日式烧肉。烧肉逐片收费,约十几蚊就食到日本和牛啦!另外有A4同A5级优质黑毛和牛,由日本九州农场直送再由师傅巧手即叫即切,保证新鲜。

图:技巧树熊FuiNg


第7位 % Arabica (*新上榜)

咖啡系唔少上班族嘅必须品,呢间曾经占据首位嘅京都咖啡过江龙又重回榜上。咖啡店主要供应浓缩咖啡,有Espresso、Macchiato、Latte同Americano四款,咖啡豆同全球其他分店一样,带果仁同可可味,而且有悠长嘅aftertaste。

图:Monkey Hinalbeeyeung_


第6位  云石小姐(*新上榜)

可以话系一间外表与味道并存嘅甜品店。招牌云石蛋糕可以拣唔同味道,流心金沙黑朱古力味由纯朱古力制成,金沙朱古力味道浓郁,流心效果澎湃。另外伯爵茶口味都系另一长期人气之选。店内仲有好多花花比大家影相打卡。

图:chriswongxxlHelenbobo39


第5位 菓甜品

呢间甜品店已经系第二个月上榜,仲一下跃升五位!招牌甜品芝士粟一烧像真度极高,淡淡粟米香配埋内层芝士蛋糕,好食之余又啱哂打卡。

图:BoBo_Chow926周围食食食既为食妹


第4位  鮨廷(*新上榜)

立食寿司香港就比较少有,尖沙咀呢间立食寿司就够哂日本风味。所有寿司师傅都会企喺食客面前即叫即整,价钱同区嚟讲都唔算贵,难怪成日都大排长龙。

图:silverthoughtscloudyblue


第3位  南瀛水产(*新上榜)

日本野一向都系港人至爱,而尖沙咀呢间日本野卖点就系多元化同新鲜,所以一上榜就登上三甲位置!餐厅有齐寿司、刺身、矶烧、锅物同天妇罗,大部份食材都系日本直送,仲有创意卷物云丹蟹肉卷同南瀛卷等。

图:90後小胖妹nee.eat.play


第2位  金鹤拉面

呢间拉面店已经连续几个月都人气高企,今个月仲攀升到第二位。餐厅主打鸡白汤拉面,汤底以全鸡熬足6个钟,上枱前打入泡沫,幼滑鲜甜。另外唔少食客话活鳗蒲烧饭都值得一试。

图:车妈妈


第1位  鼎·会馆(*新上榜)

最近大家晚晚睇电视都见到鼎爷,可能唔少人都想试下鼎爷发办嘅菜式,难怪一嚟就坐稳榜首!招牌菜式如阿爷巧手桑拿鸡、阿爷蒸肉饼、秘制火焰叉烧、葱烧汁脆皮婆参、葱香梅菜皇焖和牛肋骨等都食得出好花心机,但记得要早啲订位呀。

图:heisfoodiarysohappy_hkg


文: Kar、Yanica



关键字
十强
排行榜
甜品
日式
拉面
放题
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
食肉兽必收藏!牛年到 五间品牛餐厅介绍返
2021-02-11
1月份好评餐厅十强
2021-02-09