B. Duck於去年曾經開過期間限定café，只係開3個月，今次開喺元朗YOHO MALL嘅B. Duck Café就係長期開業，唔怕趕唔切食啦！剛剛早前澳門先開過點心店，（詳情：B.DUCK主題茶樓一盅兩件）fans要朝聖都好忙！
餐廳唔算好大，約有20-30個座位，開放式設計，仲有少量室外座位。但成間café 好多B. Duck嘅蹤影，由牆身、吊燈以至食物都係B. Duck，fans實打卡打到手軟。
食物方面有五十幾款菜式，選擇算好多，而且唔止係兒童餐，有大大份嘅飯同漢堡，大人細路都啱食！鴨仔冇走樣，即使開飯仔唔係粉絲都覺得幾得意！雞扒飯成個飯都係立體B. Duck造型，點捨得叉爛佢喎！漢堡上面亦印有鴨仔嘜頭，都算有心思。
圖：甜品系列選擇都幾豐富，有唔同款式嘅飲品、芭菲，亦有件裝同磅裝蛋糕，最特意係B. Duck 3D造型朱古力，成隻沖涼鴨咁，手掌咁大隻，唔好放入水呀。
Café每逢星期六日就好爆場，而且自助型式，想坐到靚位就要早點來霸家喇。
地址：元朗元龍街9號形點一期2樓2059號舖
電話：2366 5311