缘聚鲜锅 (荃湾)
一间主打高CP值嘅自助餐加任食火锅嘅火锅店,HK$200有找就可以任食自助餐和火锅!场内有11个食物区-寿司区、刺身区、火锅区、沙律区、熟食区、甜品区、饮品区等,真系多到食唔晒呀!
顶级牛板腱
晚饭时段入座即送顶级牛板腱一客,牛味极浓!
牛肩脊
任食牛肩脊爽口弹牙,又充满牛味!
汤底
汤底多达9款选择:黑蒜、猪骨、寿喜烧、味噌地狱辣、番茄、海盐、芫荽、风味麻辣,鸳鸯汤底,一定有一款啱您口味!
即场切原条吞拿鱼
驻场寿司师傅每晚即场切原条吞拿鱼,师傅刀工了得,睇住师傅表演,感觉好治癒! 各款刺身即叫即切,新鲜高质!
熟食区
场内熟食区有炸物、热食;甜品区有朱古力喷泉、布甸,最令人惊喜嘅系连夹糖都有。
牛大人火锅吃到饱由台湾师傅亲自主理,主打台湾地道特色汤底及风味食材,,提供九种不同的汤底款式及台湾直送美食,务求顾客吃到饱,也吃得好。
采用优质嘅牛腿骨先烧後炖而成,汤底既能散发烧牛骨嘅浓郁香味,又保留到牛骨中嘅细致味道!以慢炖烹调释放牛骨中嘅营养物质,热量低又含丰富蛋白质,炖煮途中更需要耐心撇去浮沫令汤头保持清澈,一锅红烧牛骨汤绝对系牛大人嘅心血结晶!
牛夫人秘方麻辣锅
具有独特牛骨清香,以辣乾、大红袍花椒、郫县豆瓣同三十多种中药材熬成。先烤後煮嘅牛骨带有浓郁香味,系醇厚滑顺中带有丰富多变嘅层次,气味醇香,味鲜回甜但又唔会抢咗食材本身嘅滋味,配以大、中、小辣度,适合唔同人士享用!
台湾凤梨鸡锅 具有独特牛骨清香,以辣乾、大红袍花椒、郫县豆瓣同三十多种中药材熬成。先烤後煮嘅牛骨带有浓郁香味,系醇厚滑顺中带有丰富多变嘅层次,气味醇香,味鲜回甜但又唔会抢咗食材本身嘅滋味,配以大、中、小辣度,适合唔同人士享用!
台湾最经典嘅古早锅之中,以凤梨搭配苦瓜熬制嘅鸡汤醇厚滑顺中带丰富多变嘅口感,气味醇香却又唔会抢食材本身嘅鲜味,清热解毒嘅苦瓜同止渴开胃嘅凤梨相辅相成!
缘聚西日餐厅 (屯门)
集日式放题与刺身火锅於一身嘅餐厅,场内共约有160个座位,装潢走以时尚工业风,设有以货柜为元素嘅玩味装置。餐厅提供IPAD嘅快速点餐配备,提供刺身、西日扒类、烧物、卷物、天妇罗、火锅等。
澳州羊扒
澳州羊扒羊架烧到好香口,食落口唔会太羶,啖啖肉,正呀!
寿司
手握寿司即叫即做,饭粒粒分明,醋饭好紮实,唔会一夹就散,细细件份量啱啱好,可以食多几款!寿司配料有多款选择,款款都食得出鲜味!
花胶碗仔翅
花胶大大旧,汤调得稠身,芡浆却埋得很薄,入口滑腻,唔会糊成一团,好味!
雪燕甘柚肉榴槤雪糕
雪糕非常真材实料,入口好重榴槤味,加上雪燕同甘柚肉,口感一流!
刺身升级任食即生蚝及蟹脚
食客仲可以加钱升级食埋即开生生蚝同蟹脚,样样都好新鲜好鲜甜,令人食到停唔到口呀!
营业到凌晨2:00嘅2.5小时任食火锅海鲜放题,系晚饭宵夜嘅好去处!食客可任点超过80款火锅生料,并设有自取配料区,多款蔬菜、丸类,肉类、雪糕任拣!仲有汽水、啤酒任饮,保证可以饮饱食醉!场内有大枱、卡位细枱同VIP房,价钱实惠,无论三五知己定一家大细都啱晒您!
鸡煲份量足,酱汁浓郁,用上大量香料炒制嘅秘制酱汁搭配嫩滑鸡件,入口香辣惹味,食完後可以加入清汤打边炉!
手切肥牛
牛肉有手切肥牛同安格斯牛肉两种选择,手切肥牛色泽一睇就知劲新鲜!轻轻一煮就食得,牛味香浓,值得encore!
锅霸吃到饱台式养生火锅 (佐敦)
锅霸主打台式火锅放题,环境乾净卫生,餐厅面积颇大,环境舒适,大部份以卡座为主,属於按人头收费嘅火锅吃到饱。 台式火锅汤底有多款任选,更有超过60款火锅配料任吃,仲提供自家制饮料如冷泡茶、乌梅汁等,十分有诚意呢!
鱼皮每日新鲜到货,即叫即炒,每一块都甘香爽脆,味道浓郁,沾汤吃更另有一番风味, 而且更配有全港首创shake shake黄金鱼皮,配以四款味粉,海苔,香辣,芝士,梅子,每一款口味都独当一面!
*以上图片只供参考,所有食品以实物为准. 食品供应因餐厅而异
相、文:Tiffany