無論家庭聚餐、約會，甚至三五知己相聚，用訂座優惠是必須的！今期推介橫跨鑊氣小炒、浪漫西式私房菜、啖啖肉日式拉麵、文青風Cafe同埋港式火鍋，即睇邊款啱你口味～
樂天經典 (奧海城二期) 正價指定單點熱炒類週末85折 
中式小炒由肉類、海鮮到蔬菜，統統都有鑊氣！餐廳主打正宗新加坡南洋中菜，惹味又足料，推薦酸甜醒胃嘅脆脆咕嚕肉，絕對係白飯小偷；臘味炒飯暖胃香口，秋冬必食；仲有薑蔥爆生魚片、阿婆苦瓜炒蛋就好有家嘅味道。
由擁有廿多年入廚經驗、從澳洲墨爾本回流嘅一星廚師Alex Law主理，佢炮製海鮮料理同精緻西餐驗都有一手。現時Tasting Ｍenu包含6道菜，例如先以清爽鮮味嘅日本扇貝他他配上魚子醬同冰鎮濃湯打頭陣；而主菜則有幾款肉類同海鮮選擇，前者推介軟嫩嘅澳洲M9和牛西冷，後者則以西班牙紅蝦意粉配龍蝦汁較香濃。
Owens (砵蘭街) 特惠晚市優惠套餐低至$108
鍾意去Cafe慢活一下食返餐嘅朋友，呢間文青風餐廳就啱你喇～值得留意嘅係晚市優惠套餐，有成10款選擇咁多，由輕盈嘅意式虎蝦西西里意粉，到肉食控鍾意嘅美國牛小排燒汁意大利飯、德國脆皮鹹豬手等都有，一定揀到心水口味！
Four O Five Coffee & Eatery 全單75折
圖：mandy.or
喺觀塘開業3年嘅西餐廳，以鬆軟梳乎厘班戟走入大家眼球，例如香濃泰式奶茶梳乎厘班戟、吉士焦糖梳乎厘班戟，但佢嘅西餐其實都落足料製作～好似明太子醬軟殼蟹意大利粉嘅明太子濃度啱啱好，加上即炸原隻軟殼蟹，食落鹹香脆卜卜；而日本手打和牛漢堡夾埋煎蛋、芝士同醬汁，味道一流！
圖：食拉麵愛配厚身叉燒嘅你，梗係要認住呢間嚟自廣島嘅人氣連鎖拉麵店，以濃厚豚骨湯配上招牌炙燒豚肉，無論肉香同油脂香都同時令人大滿足～佢哋亦不定期推出限定拉麵，例如早前多人討論嘅鴨蔥拉麵，甚至啱重口味朋友挑戰嘅蒜山黑蒜醬油拉麵。
圖：八千萬
打邊爐有肉有海鮮先令人滿足嘅～呢間火鍋店供應近百款火鍋食材，牛肉控必食本地手切牛、頂級牛肉粒之外，較少有嘅牛骨髓同牛爽根都值得一試；另外魚鰾同脆鯇魚腩就凸顯港式風味；配埋黃金豬皮、獅頭鵝腸、大魚頭等配料特別有風味。
文：Cathy
