韩国人气奶昔登陆铜锣湾 11款冰滑奶昔连贴心保冷袋 (有片)
2019-07-10

七月盛夏,有「韩」风袭港,为铜锣湾地区带嚟一股打卡奶昔潮流!讲紧嘅系韩国人气奶昔品牌PERFECT‧ICE呀,4年前喺首尔夜猫子夜巿度打出名堂,最高峰试过日卖1000支!而家喺韩国同马来西亚夹埋有成49间分店,香港呢间,系第50间啦!

舖头主打奶昔同雪糕,两者都系以日本牛奶制作,其他食材则嚟自韩国、意大利同法国,制作过程中绝对冇加冰同水,所以可以饮到浓郁嘅奶香。开业初期,暂时menu都会同韩国一样,有11款奶昔同埋云呢嗱味软雪糕选择。每杯奶昔仲会连埋个反光保冷袋畀你装住拎走,就算边行边饮,都唔怕太快就畀太阳晒溶,依然保持到冰感啊!

11款奶昔中,最推介就系薄荷朱古力味喇,一嚟薄荷绿好靓仔啦,二嚟饮落阵阵冰凉感喺喉咙度透心凉返出嚟,解暑一流!

想饮得健康啲嘅有包含咗15种谷物嘅暗黑风暴,奶香之余芝麻味亦颇突出,仲有粒粒cereal咬下口咁,几有口感。

士多啤梨味奶昔带有水果甜香同奶香,细心嘅朋友仲可以发现到粒粒士多啤梨籽㗎。

至於纽约芝士蛋糕味呢感觉就比较thick,杰身啲有返啲份量。其余口味包括原味、绿茶、韩式红茶、黑朱古力、蓝莓、曲奇云呢嗱同咖啡味。

软雪糕暂时就净系得原味,即系云呢嗱味供应,白白滑滑,口感较一般软雪糕硬身,而且唔算太甜,不过溶得好快,要打卡就快快手手咯。店方表示试业期过後,会陆续加啲新口味或者香港限定味喎。

重要的事最後说:由即日起至7月14号,佢哋会喺铜锣湾区内快闪派发空樽同埋赠饮券,拎咗後去新店,就可以免费获赠原味奶昔一支!


PERFECT‧ICE
地址:铜锣湾谢斐道518-520号地下A舖


文、相、片:Kar


关键字
铜锣湾
过江龙
韩国
奶昔
雪糕
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】最後倒数!即将结业的老字号及人气小店
5天前
尖咀Omakase 独创三文鱼子海胆日式糯米饭 新开业优惠 第2位半价
2020-03-19