放假想搵個地方好好放鬆，又唔想飛出香港？其實香港都有唔少靚景酒店，有無敵海景又有得歎美食，今次同大家搜羅兩間高CP值嘅酒店Foodcation，分別係富麗敦海洋公園酒店同黃金海岸酒店，唔單止包海景住宿，仲有任食自助早餐、中菜盛宴，一次過滿足你多個願望！無論係想同另一半享受二人世界，定係一家大細親子活動都好適合～
富麗敦海洋公園酒店Foodcation套票：海景客房+2人粵菜盛宴+2人自助早餐
五星級嘅Fullerton酒店鄰近海洋公園，有免費穿梭巴士方便大家嚟到訪。酒店設計令人感覺置身於外國度假勝地之中，仲有多個熊貓主題佈置，啱晒小朋友～
雙人海景客房住宿
Foodcation套票包海景客房住宿，啱晒情侶或者帶小朋友一齊入住。客房設計簡約得嚟又有格調，房間嘅特大玻璃窗坐擁南區無敵大海景，放眼望去仲可以見到海洋公園𠻹！
無邊際泳池＋親子設施
嚟度假放鬆，又點可以錯過60米特大嘅室外無邊際泳池！Infinity Pool飽覽一望無際嘅海景，除咗游水外仲可以曬日光浴，夠晒Chill～酒店主打親子路線，除咗水上玩樂設施，仲有最近新開張嘅童樂天地、彈跳樂園，住客可以免費入場，啱晒家長帶小朋友嚟放電。
米芝蓮星級廚主理 粵菜晚市套餐 玉
夜晚想醫醫肚？Foodcation已包埋由米芝蓮星級行政總廚主理嘅「玉」6道菜晚市套餐，包括鍋燒原隻鮑魚燴絲苗、焗釀響螺、青檸柚子脆蝦球、紅燒竹笙海皇羹等，部分菜式更用上本地海鮮，鮮味十足！
自助早餐 星耀廳
第二朝有豐富嘅自助早餐等住大家，自助區有齊中西任食選擇，包括燒賣蝦餃、麵包酥點、西式冷盤、水果沙律、粥粉麵飯，現場仲有廚師即製奄列、粉麵等熱食。喺海景襯托下慢慢嘆早餐，心情都靚啲～
▼ 把握OpenRice獨家優惠 立即預訂！▼
人均$1,437起 (已連服務費及稅項)
👉🏻 星期六、公眾假期及前夕 兩日一夜 Foodcation
黃金海岸酒店Foodcation套票：豪華海景客房+2人中式盛宴+2人自助早餐
想搵間適合親子輕鬆玩、性價比高嘅酒店？屯門黃金海岸酒店就係你嘅不二之選。酒店環境開揚，附近就係沙灘，而且有多個親子設施。趁小朋友星期五放學後出發，仲可以把握到平日激抵嘅平價優惠！
豪華海景客房住宿
豪華海景客房最多可入住兩位成人同兩位0-11歲小童(不佔額外床位)，窗邊視野開揚，可以望到海景或者遊艇碼頭風景。房間嘅浴缸實在係加分位，畀大家玩完一整日後可以浸浴放鬆。
兒童遊樂設施
多元化嘅親子設施係黃金海岸酒店嘅一大賣點，游泳池同滑水梯、黃金水動樂園(週末及公眾假期限定）、至Kids遊樂園都可以免費入場，酒店另外仲有兒童小火車、戶外迷你保齡等付費體驗，小朋友可以玩得盡興！
《米芝蓮指南》推介餐廳 中菜美饌晚宴 粵
夜晚可以去由《米芝蓮指南》推介嘅新派粵菜餐廳「粵」開大餐，中式盛宴有黑松露醬燴珍寶帶子皇、陳醋黑豚豬柳、芋香櫻花蝦豚肉鬆炒飯、海皇酸辣羹等。
自助早餐 聆渢咖啡廳
朝早起身食返個醒神自助早餐，中西款式應有盡有，點心、炒粉粥麵、麵包鬆餅等任你揀。餐廳寬敞明亮，感覺悠閒舒適。
▼ 把握OpenRice獨家優惠 立即預訂！▼
人均$898起 (已連服務費及稅項)
👉🏻 星期六、公眾假期及前夕 兩日一夜 Foodcation
👉🏻 星期五至六、公眾假期及前夕 三日兩夜 Foodcation
