身心都要Green一下 清新Vegan Option Cafe(有片)
2019-02-18

新派、西式素食文化又或者系年轻嘅素食者,唔少都偏向选择食啲天然啲嘅素菜。中式传统仿荤食嘅素鸡、素鸭同酸斋,呢啲都比较多加工同调味,相对就无咁健康。近排就有唔少Cafe开始为呢班素食者提供一啲较新派嘅素食Menu,就算唔系素食者,耐唔耐都可以畀自己Refresh吓、健康吓嘛。
 

纯素香浓朱古力蛋糕 Infiniti C


Cafe主力推广咖啡及 Gluten Free (无麸质)食品,好似招牌Vegan Chocolate Cake就系纯素(无蛋奶成份),闻起嚟带椰子香,食落朱古力味道浓郁,皆因用上70%意大利朱古力。而Traditional Apple Oatmeal Pie就好有肉桂同苹果甜香,中间系焗香咗嘅燕麦片,口感丰富。
 


除咗蛋糕甜品,咸食亦有唔少Vegan选择。Pea Tofu Ricotta Warm Salad有青瓜、豆腐、豌豆、枝豆等,煎熟後再加酱汁捞匀,暖暖地又几惹味。Bibibap Tofu on Toast就系韩式风味,上面嘅菠菜同萝卜丝真系几辣下!下面嘅豆腐口感软嫩,层次分明。
 


Cafe主打嘅咖啡亦可以转用燕麦奶,好似呢杯Dirty Masala Chai Latte就系店家自己用多款马萨拉香料加锡兰红茶,再加Espresso同一小羮椰子油,糅合多款香味同顺滑口感。
 

咸味Pancake够创意 顺逆珈琲酒馆

图:小诗... 

店面环境用上木质设计,加上柔和灯光,非常舒适。比较特别嘅有用黄豆做嘅纯素芝士、蘑菇同素香松嘅纯素咸Pancake,仲有唔少轻食供应,好似无麸质意粉、蛋糕同Bagel 。店铺唔只推广公平贸易嘅咖啡,亦好支持同使用本地新鲜食材。
 

幸福自然之味 LN Fortunate Coffee

图:koralahamsterlam

LN系「Loving Nature」嘅简写,所以店内供应嘅菜式同嘢饮都系纯素,主打味道简单、自然,当中用嘅素肉更系以百分百植物性食材烹调出嚟。饱肚之选幸福公司三文治,材料丰富,有生菜、蕃茄、牛油果同埋一啲都唔油腻嘅素鸡肉,食落好清新。
 

花多眼乱之选 2DP

图:cmei1002L.T.L.

餐厅主打茶味雪糕、养生茶饮、特色甜品同唔同嘅素食主食,例如意粉同汉堡,全部卖相都好吸引。不过要留意返,唔系每样嘢食都系纯素,但唔洗担心!餐牌都好细心咁清楚写明有边啲嘢食系纯素或者系有五辛,方便唔同嘅素食者。纯素食推介就有素牛汉堡,Juicy得嚟又冇食牛肉嘅负担。
 

健康饱肚又实惠 Loving Nature 

图:小蘑菇.v.

环境阔落舒适,价钱实惠,推介牛油果天贝寿司配香煎饺子。顺带一提,原来天贝系一种有丰富蛋白质嘅发酵食品嚟㗎!而且仲有自家煲嘅清甜汤水跟埋,啱晒喺正葵兴工厦返工,耐唔耐想试下一餐半餐食素嘅打工仔!仲有纯素芝士冻饼同一啲烘焙包点,想悠闲High tea又得。
 

更多【开饭专题】:
1. 7大特色鸡翼介绍 鸡翼控是时候有新刺激了
2. 今期流行皱皮肠粉 石磨粉浆米香重
3. 一路睇靓景一路Chill !香港露天餐厅酒吧好介绍

 
无芝士嘅芝士蛋糕 The Missing Piece

图:甜品专家Vannnnnnnnnnnnnn

呢间Cafe细细哋,地方唔大,不过都好多捧场客!轻食主食都有选择。素食者除咗可以喺度叹返杯手冲咖啡之外,仲可以试吓佢嘅蛋糕。呢度嘅Cheese cake系纯素加Gluten free,系冇芝士㗎。但唔会因为佢唔系真芝士就冇晒质感,相反食落轻盈啲仲冇咁Guilty啦。
 

自家制心机出品 Lucy Coffee & Food

图:misskitbSerene_lam_lam

呢度有唔少无蛋奶嘅自制蛋糕同面包选择,而且蛋糕松软唔乾。至於素汉堡嘅面包用咗全麦、苔麸同埋自培酵母制,素扒就用咗用黑豆、糙米、藜麦、燕麦同菇菌等,口感十足。另外仲有纯素芝士酱烟通粉沙律,同羽衣甘蓝藜麦沙律等加入Super food嘅菜式。
 

轻盈健康版Cupcake The Cakery

图:PandaBon懒懒松弛熊

唔少Cupcake比人印象都系又肥又甜,但呢间铺头嘅Cupcake就健康得多!因为佢哋嘅蛋糕主打用上有机食材,例如以天然糖代替精制糖,仲有无糖、无奶、无麸质嘅纯素蛋糕选择。食多几个都唔怕肥啦。
 

多款大件足料蛋糕 Sweetpea Café 

图:forevaXmetallicseatnuts

呢间系中环嘅Cafe,店内非常宁静舒适。Menu有好多素食选择,而且都好贴心咁有Label边啲系纯素边啲唔系,一清二楚!饮品由咖啡到奶昔都好多纯素嘅款式,亦有唔少Brunch嘢食,啲蛋糕大件得嚟又冇肥腻嘅感觉。
 

文:Yanny、Cathy
相:Cathy、会员上载
片:Cathy

关键字
素食
cafe
纯素
无麸质
superfood
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2021-06-04
【2021生日优惠】持续更新!6月寿星送海鲜拼盘
2021-06-01
$208起烧肉放题 空运「一头买」佐贺和牛 荃湾新开日式烧肉店
2021-05-20
《优秀开饭热店大赏2021》赛果公布
2021-05-24
中环点心茶馆重现港式优雅茶艺文化 前富豪饭堂老师傅主理 招牌菜韭菜炸蟹盒
2021-05-21