观塘工厦泰式船面专门店 独有船饭、捞面
2018-09-02

以前只可以去泰国先食到船面,随住香港越来越多餐厅供应,甚至开设专门店,留港都可以一嚐泰式风味!观塘最近有一间船面专门店,独沽一味只系做船面,店主兼大厨专诚去到曼谷学艺,所以味道都好相似。



店主Louis本身唔系厨师,原来因为家人喺泰国做厨,於是决定自己去曼谷学艺,筹备半年,由传媒人变身食店东主!食物煮法大致上跟足当地,更用上大量泰国食材同香料,好似面条、酱料等,尽量做到原汁原味。不过某啲食材香港未必有,唯有自己改良。



船面汤底呈深啡色,用大量猪骨、鸡骨、香料及香叶等,熬足6个钟,每日关店又要开始准备第二日嘅汤。泰国当地会落酸荞头水,Louis发现香港的同当地味道差得远,於是以菠萝来代替,带出独有甜味。而当地亦会加入猪血,呢度就以猪红,令汤底色水味道更相似。每碗面亦会加入辣椒醋同辣椒粉,但就唔算好辣。


招牌船长船面($48),比当地细细碗份量多,每碗有新鲜猪肉、新鲜猪膶、泰国运来嘅猪肉丸、自家炆制蝴蝶腩四种船面必有嘅配料,可以拣同样喺泰国入货嘅蛋面同金边粉。猪膶起沙,蝴蝶腩入味够腍,汤底冇当地咁浓,味道偏甜,有微微香料味,系几开胃。



泰国船面通常配炸猪皮,呢度就配上自家制猪油渣,加埋蒜头,即刻香口好多。另亦有大量芽菜同通菜,多咗爽脆口感。



呢度仲有唔同配料拣,有肥牛同埋鸡。船面鸡($48)用原只大鸡槌,肉质嫩滑,仲有一只炆鸡翼,非常足料,而且配上船面汤底都唔会唔夹。



最特别系坊间少见嘅船饭($49)!Louis话泰国都唔系好多地方见到,但食过觉得几得意於是推出埋。珍珠米同样放入汤底浸一浸,之後沥乾水,令饭粒都有汤底香甜,比船面更加饱肚。



另外仲有捞面版 ($48),面条加入特色ABC酱,源自印尼但泰国人都好锺意用,味道质感都似老抽,酱油杰身带甜,捞面味道有几分似营多捞面!唔想饮汤食捞面就最适合。



小食款式唔多,推介曼谷街头炸鸡翼 ($24),单骨鸡翼配泰国炸粉,加埋芝麻一齐炸香,当地人锺意加泰式辣椒粉,点埋甜酸酱就最惹味喇。



餐厅位於工厦内,但环境乾净好企理,座位亦阔落。墙上仲有插画家Angryangry画嘅作品。不过夜晚7pm就闩,附近返工嘅朋友嚟食lunch就啱晒。



船长 泰国船面工房

地址: 观塘成业街19-23号成业工业大厦1楼22室



文、相、片:Perrins

关键字
船面
泰国
东南亚
观塘
工厦
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
4天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12