西环新开摩登素食餐厅 必试芝心豆腐汉堡+精致红咖喱鱼
2020-10-19

近年多咗人开始食素,西环坚尼地城呢间新开嘅新品素食餐厅就好啱茹素人士同朋友一齐去试,皆因餐牌会细心标注有无蛋奶或者五辛,菜式选择亦够多元化,有啲真系唔讲都未必知系素食!必试招牌菜豆腐英雄,吉列豆腐扒配流心松露芝士酱好香口。
 


Sofia位於坚尼地城港铁站附近,以素食同非素食者都可以共同享受为理念,装修走清新田园风格,感觉舒适。菜式亦花咗唔少心机设计,无论系食材配搭定烹调方法都有新鲜感。
 


粟米菠菜芋头片阔条面($88)

以香甜粟米为主角嘅意粉,酱汁味道香浓,有天然甜香又唔腻。阔条面软硬度适中亦够挂汁。而且加咗自家炸嘅芋头片,有原片亦有碎块,香脆增加口感层次,一改素食味道单调嘅印象。
 


红咖喱鱼黑糯米饭($138)

将素红咖喱打成泡泡,唔单止卖相更精致吸引,亦令素鱼嘅脆皮唔会咁易变腍。虽然泡泡食落口感比较轻盈,但味道上无论系辣度同香气都好够!有八角、丁香、百里香等嘅香料味。
 


素鱼系用黄豆制作,外面包一层紫菜再炸去模仿鱼皮嘅口感,做到外脆内软。配菜亦有水准,黑糯米饭软糯有嚼劲,芦笋爽口无渣。
 


豆腐英雄配薯条/薯蓉($138)

招牌菜豆腐英雄其实系以自家制豆腐扒为主嘅Open Sandwich,吉列豆腐扒炸至金黄香脆,里面唔单止有加咗洋葱、杏鲍菇、西芹同香料调味嘅板豆腐,仲有用素芝士制作嘅流心松露芝士酱!松露同芝士本来就系绝佳配搭,加埋香料味道非常丰富。
 


而吉列豆腐扒同意式香草面包中间再夹一层松露沙律酱,增加香气。另一加分点系吉列豆腐扒上面嘅红酒醋紫椰菜丝,味道微酸,一齐食嘅时候可以减少吉列豆腐扒嘅油腻感。唔好睇分量好似唔太大,其实食完真系几饱肚!
 

更多【新店直击】:
1. 铜锣湾新开越南菜 全港首间正宗越式火锅串烧专门店
2. 人手碌足一个钟汕头碌鹅+芝士奶皇大虎虾 尖沙咀新开手工中菜馆
3. 花墟中嘅法式小餐馆 太子新店 创意咸蛋拿破仑+法式全日早餐

 

鬼马肉酱墨西哥脆片($58)

鬼马肉酱系用咗OmniPork新猪肉,加素牛肉、洋葱、蕃茄、素芝士等制作,食落无论味道定口感都好似真肉酱!芝士同蕃茄香味浓郁,配搭口感香脆嘅粟米片,系令人忍唔住不断食嘅惹味小食。
 



公平贸易滴馏咖啡(单点$48,跟餐$38)

饮品当中比较特别嘅系滴馏咖啡,系将滤杯、研磨好嘅咖啡粉同热水分别奉上,畀大家自己手冲咖啡!拍摄呢款公平贸易系秘鲁铁比卡咖啡豆,冲出嚟嘅咖啡口感顺滑,有柑橘酸甜风味,尾韵带甜。
 


青瓜薄荷梳打(单点$38,跟餐$24)

餐厅亦有供应三款梳打特饮,青瓜薄荷梳打甜度适中,薄荷香味突出,口感清凉。
 




Sofia  
地址:西环爹核士街28-32号安发大厦地下C号舖




文:Cathy
相、片:Tom Li

关键字
西环
坚尼地城
素食
豆腐英雄
咖啡
Sofia
新店直击
走在最前线,为大家搜罗及报道有关新开餐厅的资讯。
餐厅资料
本月热门
优雅小聚 11月下午茶推介
2020-11-03
【订座感谢祭】 快闪$20餐饮券第八弹 激抵烧烤优惠
2020-11-06
桔梗姐妹店进驻牛头角 8,700尺自设炒豆房及饼房 手冲咖啡配轻食
2020-11-02
Wine & Dine 2020预告 免费网上学品酒 精选品酒套装率先睇
2020-11-19
【2020圣诞】休闲打卡 圣诞下午茶推介
2020-11-16