荳子新开怀旧港式冰室!面包每日新鲜出炉 打卡雪糕西多士
2020-11-27

人气Cafe荳子又开新店,不过今次唔卖甜品卖常餐?原来新店走怀旧港式冰室路线,由焗饭、炒面、铁板餐等应有尽有。里面仲有自家饼房,全日都有新鲜出炉蛋挞面包!另一推介系下午茶,连埋乾冰奉上嘅雪糕粒粒西多士视觉效果一流呀。
 


荳子冰室位於将军澳,特别搵嚟本地插画师angryangry帮佢哋绘制呢幅将军澳地图,食饭前可以同将军或者唔同将军澳地标影相打卡先。装修亦糅合港式风格,例如窗花、水洗石纹等。但亦有新派元素,好似可以用手机落单,Menu图文并茂又方便。
 


冰室常餐F(日式烧猪颈肉捞公仔面)($58 +$5转蜜糖叉烧餐包)

去冰室又点少得常餐先?特别推介呢份日式烧猪颈肉捞公仔面,爽口嘅猪颈肉,同咸香嘅公仔面真系无得输嘅配搭,唔会太油又够香口。常餐本身配丹麦多士,亦可以加$5转较为少见嘅蜜糖叉烧餐包,粒粒叉烧相当香甜。配埋马苏里拉芝士火腿奄列或黑松露酱炒滑蛋,够满足。
 



荳子包($11)

餐厅里面有埋饼房,供应菠萝包、猪仔包、墨西哥包等经典包点。比较特别嘅有呢款荳子包,印住店名「荳子」两个大字,里面系幼滑吉士同粒粒红豆馅,甜味啱啱好唔会太腻,配杯奶茶或者咖啡当早餐或者下午茶都唔错。
 


雪糕粒粒西多士(单点$30,下午茶餐$36送咖啡或茶)

记得把握时间相机食先!云呢拿雪糕用加咗乾冰嘅玻璃杯上枱,唔单止有白烟增加视觉效果,亦令雪糕融得慢啲。而西多士好贴心咁切成一粒粒Bite Size,加埋花生酱夹心外脆内酥软又有甜香,配埋雪糕一热一冷口感更刺激呀。
 

更多【新店直击】:
1. 尖沙咀新开高质亲民Omakase专门店 推介青森大间鲔大拖罗寿司+A4熊本和王刺身
2. 澳式咖啡配酥脆Croffles 西营盘新开简约风格咖啡店
3. 荔枝角全新亲民价手工意粉专门店 慢煮龙虾配自家制阔面、蚬肉马拉盏幼面

 

马交猪扒包(下午茶餐$36送咖啡或茶)

另一款热卖下午茶系呢份马交猪扒包,口感脆脆哋嘅猪仔包夹住大大块猪扒同蕃茄,味道平衡之外,猪扒亦保留到肉汁唔会太乾。
 


黑牛(朱古力可乐新地)($24)

特饮亦有好多选择,由忌廉沟鲜奶到雪糕红豆冰,仲有较为少见嘅手拍老姜煲柠乐同呢杯黑牛,即系朱古力雪糕加可乐!原来可乐嘅甜味同朱古力味又几夹,加上气泡感又甜又消暑。
 






荳子冰室
地址:将军澳唐德街1号将军澳广场1楼1-005号舖




文、相:Cathy

关键字
将军澳
冰室
面包
西多士
荳子冰室
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
4天前
【2021生日优惠】超爽着数!免费任饮任食日式烧肉/火锅(持续更新)
2021-04-12
【最平$298最贵$938】佐敦新开日式和牛烧肉放题 独家引入鹿儿岛小田和牛
2021-04-09
带妈妈味游异国!母亲节Brunch六选
2021-04-20
3月份好评餐厅十强
2021-04-08