大受明星們追捧嘅Lady M即將喺沙田開新店，同時亦推出新口味嘅千層蛋糕，今次新口味係由香港創作出嚟，並喺全球首次推出架，相信粉絲們都好期待，到底新口味係乜？味道又點呢？
新出嘅口味係──海鹽焦糖千層蛋糕。喺20層嘅朱古力班戟中間，塗上薄薄嘅海鹽焦糖忌廉，再加埋面層厚厚嘅海鹽焦糖醬以及可可脆粒而成，賣相實而不華。價錢為$75/件、$750/9吋。
每層嘅海鹽焦糖忌廉都非常均勻，海鹽焦糖嗰種既鹹且甜嘅味道，出奇地夾。
更多新店直擊： |
飲品有人氣嘅凍碟豆花乳酸梳打，好醒胃，而且好eye-catching。
除咗新款千層蛋糕，Lady M 亦設計咗限量版摩天輪蛋糕盒，用色好colorful，盒面上仲有個轉下轉下嘅立體糖果摩天輪，玩味十足。凡喺Lady M官網購買9吋蛋糕即可免費獲得1個。
大大個蛋糕櫃，擺滿Lady M各款蛋糕，途人經過都望多兩眼。
Lady M 12款蛋糕大晒冷。
要注意，海鹽焦糖千層蛋糕暫時只限於沙田新店獨家供應，想食嘅粉絲們快啲去沙田潮聖啦！
Lady M
地址：沙田沙田正街18號新城市廣場一期3樓309A號舖
文：Joy