牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19

讲到今年最红嘅火锅店,莫过於呢间一年就开咗四间店嘅牛大人台湾火锅吃到饱!最近餐厅仲踩过界,同一班底於旺角开埋台湾烧肉吃到饱,除咗有超过五十款肉品及海鲜,仲有地道嘅特色台湾烧烤食物及夜市小吃,绝对可以一解大家思乡之情。


烧肉吃到饱共有四个等级可供选择,由平到贵分别系「原住民盐烧猪肉吃到饱」、「安格斯嫩牛吃到饱」、「SRF 极黑牛吃到饱」及「澳洲 M5 和牛吃到饱」。想经济实惠啲可选择「安格斯嫩牛吃到饱」,最平$258可任食120分钟。不过贵啲嗰两个set性价比一样高,最平$308及$358就可以任食SRF极黑牛霜降牛肉眼同澳洲 M5 和牛,牛魔王绝对可以回本!


澳洲 M5 和牛

澳洲 M5 和牛肉质幼嫩细滑,油脂分布平均。总厨会定时搜罗唔同嘅部位,本月之星就系澳洲 M5 和牛肩胛肉,肉质软腍油脂丰富,仲有牛香!柔软中又带啲咬劲,轻轻洒上岩盐食就最可以突出到牛肉味喇。


SRF极黑牛霜降牛肉眼

有Buttery Knife Beef 的之称嘅「极黑牛」,肉质柔嫩多汁,油脂比例就高啲,牛味就相对无咁重,以大火烤至油脂融化,约五分熟的状态下点埋大厨特别调制嘅黄金酱食,又可以一解油腻感。如果唔系太偏向牛味重嘅种类,呢个套餐就啱晒!


牛舌芯(套餐赠送,一客2件)

如果选择澳洲 M5 和牛吃到饱,每人都可以获赠牛舌芯两件,肉质爽口弹牙,必试之选。


除咗以上两款主打,安平私房牛腹肉及秘制牛肋条表现都唔错,前者软腍後者有肉香,值得encore!


更多【新店直击】:
1. 母女档旺角开过桥米线专门店 热汤砂锅+十一款米线配料即席呈上
2. 高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
3. 创意珍珠鲁肉饭+浓厚奶茶珍珠吐司 荃湾新开新式台湾菜小店


唔想净系食牛,猪方面推荐呢款原住民盐烧肉,睇落好似好肥,但烤过後就将啲油分迫晒出嚟,香脆又有肉香;至於鸡呢当然唔少得九层塔三杯鸡,鸡肉嫩滑九层塔味又几出。


海鲜方面选择唔系话好多,但都几有惊喜,鲷鱼下巴油分重鱼肉鲜甜嫩滑;屏东烧鱼腹配以蒲烧酱汁,味道香甜,有种食鳗鱼嘅感觉。虎虾都好大只肉质爽弹,任食餐厅嚟讲真系少见。


烧烤选择方面,起司鹌鹑蛋蛋味好浓厚,加埋拉丝芝士真系好夹;丝瓜煮蚬清新又甜,烤肉中途食吓又可以解腻。


甜食方面不可错过台湾小枕头(麻糬),将麻糬烧至微微发胀,好似一个枕头咁就食得,配埋香甜嘅链奶食一流~


仲未完仲未完,除咗烧烤部份,呢道仲有多款台湾夜市小吃供应,如安平炸蚵卷、澎湖花枝排、黄金鲜泡菜、凉拌小黄瓜、南部章鱼卷及酥炸蕃薯条,有埋卤肉饭,又真系几有台湾风味!


而家只要LIKE餐厅FACEBOOK,就会免费送一杯胚芽珍珠添。



安平烧肉

地址: 旺角弥敦道593-601号创兴广场9楼






文: Yanica

相、片: Tom Li

关键字
台湾菜
台式烧烤
烧肉
澳洲和牛
任食
放题
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2020-11-19
优雅小聚 11月下午茶推介
2020-11-03
【订座感谢祭】 快闪$20餐饮券第八弹 激抵烧烤优惠
2020-11-06
桔梗姐妹店进驻牛头角 8,700尺自设炒豆房及饼房 手冲咖啡配轻食
2020-11-02
Wine & Dine 2020预告 免费网上学品酒 精选品酒套装率先睇
2020-11-19