渡过甜丝丝时光 9-10月下午茶推介
2019-09-09

接近年尾,有几间酒店都推出唔同主题嘅下午茶餐饮优惠,好似北海道主题呀、榴槤呀等等,有自助餐亦有套餐,实行要大家食得尽兴。睇完拣啱边间嘅,就约埋班friend子一齐过返个甜蜜下午啦。

北海道风情  Park café  

呢间酒店嘅下午茶以北海道美食作主题,想下buffet又得,tea set都得。系人都知北海道出名牛奶香滑浓郁,所以佢哋就选用3.6牛乳制成多款甜品,好似牛乳流心芝士面包布甸同北海道十胜红豆绿茶布甸。而下午茶则有日本白桃慕丝蛋糕、北海道炼奶木糠布甸等共11款美食,大家可以嚐尽北海道各种滋味喇!

「恋上北海道」下午茶自助餐

「北海道の味」下午茶

「恋上北海道」下午茶自助餐
供应日期: 即日起至11月30 日 (15:00 – 17:00)
价钱: 星期五 成人$218、小童$188; 星期六、日及公众假期 成人$238、小童$208

「北海道の味」下午茶
供应日期: 即日起至11月30 日 (15:00 – 17:00)
价钱: 星期一至五 成人1位 $178、2位$298; 星期六、日及公众假期 成人1位$198、2位$338

任食甜蜜雪糕下午茶 帝景轩

雪糕同下午茶永远都系女士最爱,而呢间酒店就同Häagen-Dazs™合作推出「甜蜜奇缘下午茶」,以全新雪糕杏仁脆筒系列为灵感,推出多款咸甜美点。当中有呍呢嗱焦糖杏仁、抹茶同朱古力杏仁三款口味。

最有惊喜就系脆筒竟然可以用嚟做咸点,好似辣肉酱牛油果筒咁,就系将自家制辣肉酱加入迷你脆筒,再配上牛油果酱。



榴槤控必食  City Café    

身为榴槤控嘅你,嚟呢度食下午茶自助餐就唔使惊畀人话榴槤臭,叫你拎埋嚿榴槤走开喇!酒店而家以榴槤同水蜜桃为主题,推出多款夏日大热甜品,再配埋五十几款多国美食,包你食过番寻味。最值得推介就系即叫即制榴槤梳乎厘同榴槤香兰叶蛋糕,後者外观整到同真榴槤差唔多,好盏鬼。

榴槤‧水蜜桃‧下午茶自助餐
供应日期: 即日起至9月30 日 (15:30 – 17:30)
价钱: 星期六、日及公众假期  成人$208、小童$148 

食嘢兼做慈善 Déli KoolTapas Bar

有无谂过食嘢都可以帮到人呢?尖沙咀呢间酒店响应嚟紧十月嘅国际乳癌关注月,而推出咗粉红主题下午茶套餐,另外亦有非常吸睛嘅粉红镜面蛋糕同精选玫瑰香槟,更特别用特制嘅四层金色鸟笼,装上各式各样嘅冷盘同甜品,打卡一流。而部分收益将会捐赠畀香港遗传性乳癌家族资料库,非常有意义。


文:Evita

关键字
酒店
下午茶
自助餐
甜品
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
更多
收起
本月热门
【随时更新】便利店寻宝 每周新品速报
2天前
【2019圣诞】早鸟优惠! 圣诞自助餐推介
4天前
【2019圣诞】年尾叉电 圣诞下午茶集合推介
2019-11-19
秋风起!5间大闸蟹放题食店集合
2019-11-19
【2019圣诞】约会之选 圣诞市集推介
7天前