深井‧燒鵝以外的美食 | OpenRice 香港开饭喇

「深井」與「燒鵝」兩個字早就如雙生兒般植根我的腦海中，或者是以前看得太多有關廣告吧！難道除了燒鵝，深井就沒有其它美食嗎？OpenRice 的網友用食評的數量告訴我，燒鵝以外，還有滋味的甜品、西餐、火鍋值得去試試。\r\n\r\n（截止10月25日以食肆得到的 Smile

數目減去

的結果排名）\r\n\r\n\r\n第一位發記甜品\r\n\r\n1999 年黃氏兄弟創辦發記甜品，2002 年以楊枝甘露打響名堂，繼而衝出深井，於銅鑼灣、旺角等地區開設五間分店，成為著名的連鎖甜品店。其出品以足料見稱，而且會用質素較好的生果如來貨較貴的飛龍芒果，一碗楊枝甘露就用上一個半芒果製造，而自創的榴槤飄香，榴槤份量亦很十足。\r\n\r\n

\r\n楊枝甘露（Photo by Noblesham）\r\n\r\n

\r\n芒果酥皮卷（Photo by SpecialWind）\r\n\r\n\r\n\r\n網上食家評語節錄： \r\n\r\n

WinGirlish：士多啤梨黑珍珠出乎意料的好吃！第一讚是好多士多啤梨！第二讚是有塊碎冰保持佢凍！最驚喜係有少少半溶既雲哩哪雪糕，令到成個糖水好香，即刻唔同晒！\r\n

Guatzi：叫了榴蓮班戟來試一試。哇，不得了，沒有想到可以這麼好食。甘甘苦苦的榴蓮配上甜甜的Cream，把我們帶入榴蓮的仙境。正！\r\n

小傻：上次試過佢既楊枝甘露，都好好味：芒果大大舊不在話下，椰汁同芒果配合得好好，變左滑得黎又突出到芒果既香味。再配上適量的西米+沙水柚，少少酸，唔會一味得個甜字。值得一讚。\r\n

Tavia：榴槤飄香真係超正，每次都食，好似上癮咁…榴槤班戟都好正！楊枝甘露其實都好味，不過相比之下，一定會選擇榴槤飄香！\r\n

Noblesham：要了一個楊枝甘露，用了很多芒果，果肉吃起來凍凍的，而且很甜，不是浸了糖水的甜，甘露上放了很多西柚粒及西米露，但吃不到西柚的清苦，正！\r\n

SpecialWind：叫咗個焗芒果酥皮卷，呢個甜品個樣好靚，食落好有高檔外國甜品feel…外層酥皮又香又脆，出面仲有少少糖粉令到d酥皮食落甜甜地…裡面d芒果同蛋糕食落好鬆軟，好甜，口感好好。\r\n\r\n必食推介：榴槤班戟、楊枝甘露、酥皮卷\r\n\r\n瀏覽發記甜品其它食評\r\n\r\n\r\n第二位新皇后餐廳\r\n\r\n深井一間環境舒適的西餐廳，不少網友讚賞它無論食物、環境和服務質素都非常好，其中牛角包為網友必食推介，而且食物分量亦較多，設有室外座位，假日有不少食客同帶愛犬用餐。\r\n\r\n\r\n\r\n網上食家評語節錄： \r\n\r\n

Agnes Yau：此餐廳無論食物質素、環境衛生及服務，均有一定水準；而且價錢都合理，份量OK。最正就係午餐價錢衹是每位$38+10%，不會太貴啦。\r\n

香香公主：牛扒牛柳不錯，可惜意粉菜式種類不多。牛角包好食，侍應招待幾好…價錢係中價，食慣好嘢既我，在此值得比個”笑”佢。\r\n

Kiki：每星期梗係會揸車入去一至二次食呢度既牛角包，因為真係好好食，好軟，我每次都要食起碼二個，最好個樣係佢哋會整熱個包比你，加埋牛油真係好正！\r\n

MinnaMcmag：had a roasted chicken dinner set. The chicken is roasted quite good. The skin is crispy and the meat is tender. $68 only. worthy for money.\r\n

Lalachi：最鍾意係食個炸蠔，炸到皮薄又脆，但係裡面又剛剛熟喎…隻隻都肥美過一隻炸雞亦，好大隻，好多汁。我總覺得以呢個價錢，食到呢個質數，算係咁囉。\r\n\r\n必食推介：牛角包、炸蠔\r\n\r\n瀏覽新皇后餐廳其它食評\r\n\r\n\r\n\r\n\r\n第三位滾得棧\r\n\r\n餐廳裝潢有住家feel的滾得棧是火鍋店，供應多款自製火鍋配料，例如師傅每日新鮮手打的蝦丸、墨丸及牛丸，丸類出品都彈牙有咬口。另外亦有近年流行的唧筒魚茸麵，亦是自家打製，味道較鮮，戶外更設座位可露天打邊爐。\r\n\r\n\r\n\r\n網上食家評語節錄：\r\n\r\n

魚蛋頭-.-'''：我想係到讚下佢D糯米反，全碟都炒到一粒粒，最緊要係鍋氣又夠，食完一定會仲想食。\r\n

kimmm：點左個龍蝦番茄薯仔湯底，都幾足料幾好味，之後有個哥仔介紹象拔蚌，試左例牌，好新鮮，唔似出面酒樓果d死蚌。\r\n

Bigbigbear：食物方面幾有干淨感，每樣都新鮮…一早已叫定糯米飯試試，68蚊一碟，都幾大碟，六七個人食剛剛好，我食左四碗，整得幾好味，唔會chee身…有車都值得三五知己去食下嫁。\r\n

肥記：就咁睇價錢會覺得幾貴，但係啲野來到都好大碟同樣樣野都好新鮮，就算係水餃同魚皮餃都無雪過，而且好有心機，啲菜又洗得好乾淨。蝦丸好正，可以食粒粒新鮮蝦肉。\r\n

Baby Gi Gi：價錢比起新開時貴好多，都食得過既，最緊要係坐的舒適，唔會趕人走！\r\n\r\n必食推介：生炒糯米飯、蝦丸、墨丸、牛丸\r\n\r\n瀏覽滾得棧其它食評 \r\n\r\n\r\n第四位嘉韻酒樓\r\n\r\n嘉韻是深井區飲茶食晚飯的選擇，這裡亦有供應自製燒鵝，有網友盛讚質素不錯。此酒樓向來以抵食吸引顧客，例如食足三小時的任食火鍋不過數十元，但員工的服務態度認真麻麻，不少網友對服務都不大滿意。\r\n\r\n\r\n\r\n網上食家評語節錄： \r\n\r\n

xx33：去深井食燒鵝，真係估唔到酒樓都好味，除裕記外，呢間酒樓一定係首選！其他小菜都好好味，值得一試！\r\n

Simmyyip：d深井燒鵝幾好味，例牌$60份，另外叫左油菜，2籠點心…全部味道都不錯～\r\n

朱古力bert：叫個蛋散吃下…入黎時重熱既，幾鬆化，唔會甜到”流”，好耐都未食過可以放得入口既蛋散lu。\r\n

MinnaMcmug：$1兩白灼蝦，very cheap. Two ppl had 12兩. Large and fresh. But we think there is less than 12m兩. Anyway, it is good for money.\r\n

bon vivant：星期一至五晚有任食火鍋，$48一位，每人最後大約$70，都算底。任食的食物種類很多，其中的鯪魚球味道及質感不錯。蝦是即叫即撈(從酒樓魚缸)，上檯時蝦仍會動的，熟了後味道非常鮮美。\r\n\r\n必食推介：燒鵝、蛋散、白灼蝦、鯪魚球\r\n\r\n瀏覽嘉韻酒樓其它食評\r\n\r\n\r\n\r\n第五位大衛餐廳\r\n\r\n主打法國菜的大衛餐廳位置較隱蔽，價錢與同區同類型餐廳比較屬中上價錢，一個黑椒牛扒Set Lunch收費$52，但提供三款甜品選擇。不少網友稱讚店內播放的歌曲，令客人可放鬆心情進食，而可能是法國餐廳的關係，網友都說上菜速度比較慢。\r\n\r\n\r\n\r\n網上食家評語節錄： \r\n\r\n

bigcornpie：質素以同區同價嚟，算係中上。鱈魚肉質鮮嫩，夠滑口。老闆就好有禮貌同友善，我同男友都覺得呢間餐廳值得一試。\r\n

為食小鴨子：黑椒牛排終於出場！半生熟剛剛好，黑椒汁是自家製作，滿滿都是黑椒粒，溶化了的洋蔥很香，現在這種黑椒汁很難找，有誠意，牛排沒有用梳打粉，有牛肉味正！\r\n

元朗食神：鵝肝很香口，吞拿魚螺絲粉同煙肉雞絲意粉味道不錯，酥皮海皇湯香濃，蒜蓉包好正。\r\n

bon vivant：當中最出色的，是梳乎厘（要等約20分鐘），份量大而且極美味，內裡不會像其他餐廳的那麼濕。\r\n

珍寶珠：我覺得佢d野食真係幾好味，又唔貴，一個lunch set都係$42…最重要d食物真係食得出誠意，所以我覺得佢係深井最有誠意的食店。\r\n\r\n必食推介：鱈魚、黑椒牛排、梳乎厘\r\n\r\n瀏覽大衛餐廳其它食評\r\n