油麻地新开小木屋Cafe 叹西日Fusion龙虾汤乌冬配咖啡
2020-09-08

大家对弥敦道嘅印象可能都系人多车多,但喺油麻地转角就新开咗呢间旺中带静嘅Cafe,装修以木、水泥为主,加上植物点缀感觉清新舒适。食物就走西日Fusion风格,好似自己斟嘅龙虾汤乌冬,厚肉鳗鱼汉堡等等,难怪迅速成为排队热店!
 


不籽是咖啡位於弥敦道450号,唔喺大街而系要转入去巷仔里面,门口嘅花纹地砖同长木凳已经系一大打卡位,而里面装修同样以简约自然为主,有大玻璃窗采光度高最啱相机食先。
 


龙虾汤配牛油果大虾稻庭乌冬($128)

香港Cafe都系供应西式轻食多,呢间就有西日Fusion主食选择,而且分量十足希望大家有得食饱啲。呢份龙虾汤配牛油果大虾稻庭乌冬嘅龙虾汤用壶分开上,畀大家按自己进食速度自己斟,有得打卡同时亦唔怕食得慢会变冻晒。
 


橙色嘅龙虾汤用咗龙虾同多款蔬菜熬成,有龙虾香气之余又有蔬菜嘅鲜甜味。同鲜甜爽口嘅大虾、滑溜弹牙嘅稻庭乌冬都好夹,木鱼丝同紫菜亦增添鲜味。略嫌牛油果味道同龙虾汤就唔系特别夹,建议可以分开食。
 


味噌蟹酱蟹籽蟹肉扁意粉($128)

另一餐厅推介,用日本进口味噌蟹酱做成Creamy酱汁,蟹膏香味同味噌咸味平衡有致。加上弹牙嘅蟹肉、一粒粒爆开嘅蟹籽、蘑菇等配料,鲜味十足。扁意粉亦相当挂汁。
 


鳗鱼滑蛋汉堡配松露薯条($128)

汉堡包夹住鳗鱼加上滑蛋,真系好有日式西餐Feel。蒲烧鳗鱼肉厚结实,味道香甜,而滑蛋就采用日本空运鸡蛋,炒至半熟保持滑嫩。面包亦特别请本地供应商搵到呢款口感松软嘅汉堡面包,建议大家影相唔好影太耐,冻咗口感会略为变硬㗎。
 


柚子渍莲藕($38)

小食有日式同西式选择,呢份就系日式嘅柚子渍莲藕,用韩国柚子蜜自家腌渍。柚子清香突出,而且唔会太甜,配搭爽脆又凉凉哋嘅莲藕,无论口感同味道都好醒胃。
 

更多【新店直击】:
1. 将军澳新开亲民日式家庭料理 5款汤底+30款配料自选百搭乌冬
2. 中环新开西班牙蛋糕饼店 必试!香浓幼滑 焦香巴斯克芝士蛋糕
3. 健康谷物茶饮配桃胶!尖沙咀新开文青感台式饮品店

 

Dirty($40)

除咗Cold Brew会用单品豆,其他咖啡饮品就会用请本地炒豆师调配嘅House Blend咖啡,入口微酸而之後会有榛子、黑朱古力嘅风味,香醇厚滑。Dirty系热Espresso撞上冻鲜奶,Nutty香气更明显嘅同时余韵亦带出甜味。
 


Mojito Soda($48)

餐厅叫得不籽是咖啡就当然唔单止得咖啡啦,亦有梳打、花茶、朱古力等唔同饮品。呢杯Mojito Soda系鸡尾酒Mojito嘅无酒精版本,青柠嘅酸香、薄荷嘅冰凉加上梳打水嘅气泡感,消暑一流。
 





不籽是咖啡
地址:油麻地弥敦道450号文豪阁地下D号舖




文:Cathy
相、片:Tom Li

关键字
油麻地
Cafe
乌冬
咖啡
不籽是咖啡
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12