每日制作无添加芋圆!观塘新开外卖手工甜品店(有片)
2020-07-07

各位芋圆控有好消息!呢间主打手工芋圆嘅甜品店最近喺观塘另觅地方重开,同旧店一样由一对90後情侣主理,每日新鲜制作芋圆、地瓜圆、紫薯圆、芋泥球、豆腐花等配料,无添加色素或防腐剂,而且可以自由搭配,可以一解大家对台湾甜品嘅相思之苦呀。
 


芋圆控日前喺观塘一座工业大厦当中重开,暂时同样剩系得外卖自取不设堂食。每日有约20款唔同嘅配料,部分仲系期间限定,例如新出嘅奶茶冻、好受欢迎嘅蜜芋头等。自由配搭得,跟店主推介嘅五款Set亦得,得咗。
 


招牌自家制芋圆($44)

五款Set当中最丰富嘅选择,一碗有齐仙草冻、芋圆、地瓜圆、紫薯圆、寒天晶球、小丸子,同西米,可以配仙草汁、黑糖汁、椰汁、淡奶、冬瓜汤当中其中一款。
 


三色芋圆都软糯弹牙,秘诀系煮好後会用冰嚟过冷河,大粒饱满又有咬口,同时食得出三种唔同食材嘅味道,当中以芋头香味最突出。再配搭仙草冻嘅滑溜、寒天晶球嘅爽口、小丸子嘅烟韧,口感好丰富!
 


自选DIY($34-46)

想自由度大啲,就可以拣自选DIY任拣心水配料,按配料数量收费。开饭仔呢份就有奶茶冻、芋泥球、粉圆、小丸子、芋圆、地瓜圆、紫薯圆配淡奶。奶茶冻系店主最近研发嘅新品之一,口感软滑,微甜带红茶香。配埋黑糖粉圆同淡奶,真系几有珍珠奶茶Feel。
 


芋泥球用芋头加糖、牛奶等打成,唔系完全打成泥而系保留少少颗粒感,食落芋头味道浓郁。小丸子就有微微糯米香,细细声讲多句,锺意嘅话生嘅小丸子同三色芋圆都有盒装可以早一日订㗎。
 

更多【新店直击】:
1. 原条蒲烧鳗鱼滑蛋热狗!黄大仙超市美食区新开热狗专门店
2. 中环小酒馆集合世界各地Comfort Food 必试XO酱炸鸡翼、热情果椰子果冻芝士蛋糕
3. 长沙湾新开超抵食港式扒房 $20铁板宫崎吉烈猪柳

 

黑糖粉圆鲜奶($25)

除咗芋圆甜品,呢度仲有水果梳打同黑糖粉圆鲜奶。黑糖粉圆同样每日熬煮,配搭冻嘅明治4.3特浓牛奶,口感外软内Q。粉圆够入味所以会越咬越香,而黑糖味唔会太甜,虽然黑糖香无台湾过江龙嘅咁鲜明,但呢个价钱嚟计真系好抵饮。
 





芋圆控
地址:观塘骏业里6号富利工业大厦11楼C室
*只有外卖,不设堂食




文:Cathy
相、片:Calvin Kwok

关键字
观塘
芋圆
甜品
黑糖粉圆鲜奶
芋圆控
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
2020-09-18
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
油麻地新开小木屋Cafe 叹西日Fusion龙虾汤乌冬配咖啡
2020-09-08