榴槤控注意！3間新開榴槤主題店推介

2019-10-14

今時今日，唔通想食榴槤都要等夏天咩？各位榴槤控唔使再sad啦，等開飯仔走遍香港，帶大家搵下近期新開嘅榴槤餐廳，保證365日都可以畀榴槤香包圍住呀~

西式榴槤甜品 榴槤芭

又鍾意食甜品，又鍾意食榴槤嘅話，呢間餐廳就可以滿足你兩個願望啦~佢哋主打各種榴槤甜品﹕榴槤批、榴槤布丁、榴槤拿破侖等！真係隔著個mon都聞到陣陣榴槤飄香呀！特別推介貓山王梳乎厘，淡淡嘅蛋香，同濃厚嘅榴槤味出奇咁夾！

行到呢間外賣舖門口就馬上聞到超香嘅榴槤味啦~成塊臉咁大嘅榴槤餅，用100%新鮮榴槤做，再夾著濃濃嘅芝士，超級勁邪惡呀！餅面勁脆，咬落去軟綿綿~佢哋嘅至尊招牌芝士榴槤餅，仲要比普通嘅多一半榴槤肉呀~

榴槤，再加芝士真係perfect match呀，除咗有榴槤芝士餅，仲有貓山王芝士撻呀~呢間喺商場嘅小店主打嘅榴槤芝士撻，使用馬來西亞嘅A級貓山王，再配上北海道嘅芝士~千祈唔好掛住相機食住，要趁熱食先有流心效果呀！

文：Kiko

開飯專題

開飯仔為你提供各類型最新飲食情報及優惠，全面照顧你的飲食喜好。