情人节蛋糕大集合! 粉红心心冧女神(有片)
2018-02-08
情人节除咗食大餐,蛋糕都一样唔少得。今年情人节唔同饼店推出嘅蛋糕卖相都好吸引,花呀心心呀粉红呀呢啲女生最爱嘅元素都有,即刻睇下边款最啱你同你BB啦!

水晶球玫瑰蛋糕 Twinkle Baker Décor

呢款红莓玫瑰蛋糕有齐女仔锺意嘅元素:玫瑰、水晶球同粉紫色,应该无乜女仔会抗拒到。里面有红莓牛油蛋糕、玫瑰吉士同红桑子脆脆,而顶层嘅朱古力玫瑰花仲系人手制造,好有心思。如果怕太大个食唔晒嘅,都有细版选择。好似呢款草莓慕丝蛋糕咁,面头仲有马卡龙同花花装饰,一样咁靓。

玫瑰歌剧院蛋糕 DALLOYAU

锺意细细件蛋糕嘅仲有呢款选择。玫瑰歌剧院蛋糕以浸泡咗玫瑰糖酱嘅法式杏仁海绵蛋糕、红莓玫瑰奶油同70%黑朱古力酱组成,食落好香玫瑰味。仲有2月限定嘅心形法式马卡龙,分别有玫瑰同云呢嗱味,两款买晒同情人share食啦,so sweet。

士多啤梨雪糕蛋糕 Häagen-Dazs

虽然呢排天气冻,不过雪糕都系要食嘅。呢款士多啤梨雪糕蛋糕以红色为主,配上蕾丝花纹,感觉优雅。套装仲会送埋一条纯银手链,上面有「Love」、刻字圆牌同心型吊饰。连情人节礼物都帮你谂埋,买得过呀!

白草莓蛋糕 东海堂

呢款蛋糕选用来自日本九州,并只於每年一至三月出产嘅白士多啤梨,相当矜贵。白士多啤梨咬落清甜,仲有一阵独特嘅香味。而蛋糕内层就有云呢嗱慕丝同士多啤梨酱,酸酸甜甜,食多少少都唔会觉得腻。

法国焦糖苹果果酱蛋糕 美心西饼

呢款蛋糕以苹果为主题,感觉有新意。外形以粉红色为主调,而入面就系由法国入口嘅焦糖苹果果酱同白朱古力杏仁脆,再配上苹果啫喱及苹果慕丝。食落甜得嚟唔会好腻,仲带点清新嘅感觉。

红玫瑰蛋糕 圣安娜饼屋
唔少女仔都锺意美女与野兽嘅故事,今年呢间饼店就以佢为灵感,设计出呢款红玫瑰蛋糕。面头有一朵丝绒红色玫瑰朱古力,卖相高贵。而内层就系比利时55%朱古力红桑子慕丝。朱古力味香浓,同红桑子慕丝嘅酸甜味好夹。


文:Crystal
关键字
蛋糕
Haagen Dazs
雪糕蛋糕
情人节
士多啤梨
甜品
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】最後倒数!即将结业的老字号及人气小店
2020-05-19
【随时更新】零食速报 每周新款零食、酒品点评
2天前
全城抗炎!人气酒店自助餐重开 每位送鲍鱼、带子
2020-05-11
全城抗炎!喺屋企做大厨 懒人煮食包/套餐集合文
2020-05-13
旺角新开花艺Cafe 丰富全日早餐+明太子猫耳朵+特调有机花茶(有片)
2020-05-18