必试芒果冰、芒果糯米饭芭菲 泰国人气芒果甜品店进驻北角(有片)
2020-01-14

以後喺香港都食到抵食嘅泰国芒果甜品!清迈人气芒果甜品店品牌最近进驻北角开香港第一间分店,选用自家生产泰国水仙芒制作一系列芒果甜品,好似芒果冰、芒果蜜糖吐司等等,而且价钱公道,好似特饮$25起,芒果糯米饭芭菲都系$28咋。
 


泰国Mango Mania嘅CEO Karanya Jarutanin亦专程嚟到香港首店

Mango Mania系2011年喺泰国清迈创立,主打以自家生产水仙芒为主嘅甜品、沙冰同果汁,喺泰国有近20间分店。香港店会沿用水仙芒,特色系味道清甜,食落唔会有太多纤维口感。
 


超级芒果狂热($68)

品牌CEO推介之一系呢份非常丰富嘅拼盘,有芒果糯米、芒果雪糕、芒果布甸、忌廉、芒果椰奶酱同半个芒果!芒果肉食落果然够甜够Juicy,糯米口感软糯,点雪糕食得,点芒果椰奶酱食都得,畀大家自由配搭。
 


芒果蜜糖吐司($58)

泰国当地热卖甜品系芒果蜜糖多士,沾上蜜糖嘅French Toast上面加糯米、椰子雪糕同新鲜芒果粒,再加半个水仙芒。吐司偏软身,所以建议「相机食先」嘅朋友要快手啲呀。芒果嘅天然微酸同蜜糖吐司嘅甜味好夹,加埋椰子雪糕就更增加口感同味道层次。
 


芒果糯米饭芭菲($28)

讲到泰国嘅芒果甜品又点少得芒果糯米饭!呢杯芒果糯米饭芭菲就系两层糯米同两层芒果肉相间,上面再加炸绿豆仁同薄荷叶点缀,完全就系方便拎走甚至边行边食嘅杯装芒果糯米饭呀。
 


芒果冰砖($70)

泰国另一热卖甜品系呢碗芒果冰,刨冰本身已经带炼奶甜味,再加芒果肉、芒果雪糕、芒果椰奶酱一齐食系四重享受呀!而且仲有烟韧嘅糯米饭增加口感,食完好满足。
 

更多【新店直击】:
1. 日本人气柚子拉面店登陆尖咀 清爽柚子甘露沾面率先试
2. 台湾连锁一人一锅火锅店进驻大埔!必试麻辣鸭血锅 任饮任添白饭、雪糕
3. 新开魔术手工啤酒吧 OnTap女伯爵全港独家 + 过瘾麻婆Mac&Cheese

 

芒果狂热下午茶($88)

用白色架奉上嘅下午茶套餐,两层加埋有九款茶点,都系以芒果同椰子为主,胜在都系细细份,精致得嚟自己一个人食晒都唔会太腻。而且套餐包埋一壶热茶,可以拣芒果热情果橙茶、甘菊蜜糖云呢拿茶,或者玫瑰果茶。
 


芒果椰子西米慕斯特饮($42)

非常丰富嘅特饮,一杯就有齐椰汁西米、芒果汁,同椰子慕斯!最顶嘅椰子慕斯带少少咸味,口感同味道都好似椰子口味嘅奶盖咁,捞埋芒果汁同椰汁西米一齐饮其实都几丰富又几饱肚㗎。
 


芒果冰特饮($33)

其实即系芒果沙冰再加芒果粒,系最试得到佢哋自家生产水仙芒原味嘅特饮。沙冰打得够细碎,味道清甜。
 


小椰子特饮($25)

餐厅亦有其他无芒果嘅梳打、果汁同特饮,好似呢杯睇名就知道系用椰子做主角。另外仲有A-Plus($30),系用富含维他命A同胡萝卜嘅红萝卜、苹果、菠萝打成嘅果汁。另一款Detox($30)有西兰花、芹菜、苹果同菠萝,系帮助排毒嘅。
 


芒果小碗($58)

虽然叫小碗但其实分量都唔细,一份有口感顺滑嘅芒果奶昔、新鲜芒果粒、烟韧糯米饭,同芒果雪糕,系「升呢」版嘅芒果椰子西米露呀。
 




Mango Mania
地址:北角和富道21-53号和富地下G18C号舖




文、相、片:Cathy

关键字
芒果
甜品
芒果糯米饭
芒果蜜糖吐司
芒果狂热
北角
Mango Mania
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
1天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
食肉兽必收藏!牛年到 五间品牛餐厅介绍返
2021-02-11
1月份好评餐厅十强
2021-02-09