将台湾地瓜球、芋泥蛋饼带到香港!阿元来了新菜式全介绍(有片)
2018-12-14

挂住台湾街头美食?除咗周末飞一转之外,而家仲可以嚟到呢间主打古早味台式小食嘅餐厅呀。佢地最近换咗新菜单,将今年大热嘅地瓜球、台北人气芋泥蛋饼、嘉义着名嘅四神汤等等全部带到嚟香港!帮大家一解宝岛美食嘅相思之苦。
 


地瓜球($30)

阿元来了最近更换餐牌,一口气推出八款新菜式,当中包括呢份可能系今年最热门嘅台湾街头小食:地瓜球!每日朝早人手搓成地瓜同紫薯面团,即叫即炸後再裹上梅子粉。特别在佢地嘅地瓜球唔系空心,而系地瓜包芋泥、紫薯包红豆两款配搭。
 


原来系阿元想将呢款街头小食变得再丰富啲,的确食落外面香脆带少少烟韧,里面柔滑香甜,口感同味道都配搭得唔错。外面嘅梅子粉带咸香,夹得嚟又令味道层次更丰富。
 


芋头起司蛋饼($30)

唔少台北早餐店近年都推出芋泥馅,所以阿元自己研发後亦将芋泥蛋饼加入菜单!蛋饼皮由台湾直送,口感软Q。里面包住嘅芋泥用台湾最有名嘅大甲芋头打成,特别香、甜、松、棉。同半融芝士嘅奶香加埋好有满足感。
 


芋头肉松蛋饼($35)

另一配搭系肉松,肉松系阿元请人喺台湾用猪嘅後腿肉炒制而成,蓬松富肉香。用蛋饼包住一半香滑芋泥同一半肉松,一甜一咸原来都夹到!而且湿润嘅芋泥同偏乾嘅肉松啱啱好互相补足,香口而唔腻。
 


彰化肉圆($39)

新菜单亦有古早味小食,好似呢份就系唔少在港台湾人最挂住嘅肉圆。由台湾直送到港,无添加防腐剂。半透明外皮用在来米粉做成,里面包住香菇、竹笋、猪後腿肉再蒸熟。而搭配嘅系蒜蓉酱同甜辣酱,属於南部偏甜嘅口味。肉圆皮软弹,加上里面嘅菇香同肉香,系一份香喷喷又饱肚嘅小食。
 

更多【饮食潮流】:
1. 全港首间AP鸭主题café 粉丝旺角打卡朝圣
2. 必试海胆酱极上渔师锅 北海道乡土料理专门店
3. 全素麻辣锅+冬荫公汤底 中环区全球25大素菜餐厅

 

四神汤($30)

冬天最啱饮返碗热汤,呢碗四神汤系台湾传统药膳之一。呢度嘅版本就用薏仁、百合、莲子、芡实、猪大肠等熬成,上枱前仲会加入餐厅自己泡嘅药酒增加香味。趁热饮药材香突出,饮落亦带甘味。锺意嘅话仲可以加汤,好窝心!
 


阿元鲁肉饭($39)

店家最出名嘅鲁肉饭亦嚟个「升呢版」,更大碗之余亦加咗青菜同卤蛋,亦即系由小食变成便当分量!一粒粒半肥瘦鲁肉依然非常香口入味,连埋酱汁捞饭食满口油香同肉香,唔觉唔觉就会食哂成碗。
 


万峦猪脚($45)


无骨凤爪($30)

两款都由台湾直送,万峦系南部屏东一个地方,当地猪脚相当有名,甚至仲有一条万峦猪脚街!呢度嘅猪脚就系从当地直送,卤至入味嚟到香港再加上带甜味嘅蒜蓉酱,食落猪皮相当爽弹,猪肉亦够入味,略嫌肉质有啲乾。而凤爪更加卤制三日,确保充满胶质嘅鸡皮吸收哂所有卤汁,食落弹牙入味。
 






阿元来了
西环店:西环坚尼地城北街31号地舖
观塘店:观塘鸿图道28号地下後座




文、相、片:Cathy

关键字
地瓜球
芋泥蛋饼
肉圆
四神汤
鲁肉饭
台湾菜
阿元来了
坚尼地城
观塘
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】便利店寻宝 每周新品速报
2019-11-29
【2019圣诞】早鸟优惠! 圣诞自助餐推介
1天前
秋风起!5间大闸蟹放题食店集合
2019-11-19
【2019圣诞】年尾叉电 圣诞下午茶集合推介
2019-11-19
【2019圣诞】约会之选 圣诞市集推介
3天前