将军澳新开立食酱油拉面店 大阪冠军级拉面师傅主理 推介鲜甜鲣鱼酱油拉面
2020-10-27

众所周知,日本好兴立食文化,由立食寿司、立食烧肉甚至立食居酒屋都有,而呢种立食文化近年都慢慢传到嚟香港。最新嘅有开喺将军澳嘅一间立食酱油拉面店。

呢间立食酱油拉面店行时尚工业风格,并由连续5年喺大阪排名第一嘅拉面达人松村贵大主理汤底,用上唔同嘅酱油混合、提炼,再加入多款贝壳类海产熬制,再由日本空运直送到港。大家试碗面嘅时候,不妨都可以先哔一匙汤底饮啖,唔会太咸之余,仲几鲜甜。

餐厅主要提供4款口味嘅拉面同埋几款小食。当中最推介嘅一定系和歌山横缟鲣鱼酱油拉面,汤底嘅酱油香中渗有香浓嘅鱼味,连带面条都有阵阵鱼鲜香味。日本直送嘅慢煮三和豚肉叉烧有阵阵烟燻过嘅香味,口感软腍。

另一款同样有鱼香嘅拉面系濑户内海小鱼干酱油拉面,但佢同鲣鱼嗰只汤底嘅香味又有啲唔同,呢只系偏重少少咸香,但同时又有种清甜。

至於锺情重口味少少嘅朋友,青森黑白蒜味酱油拉面应该最啱,几款口味中味道最浓,无论系蒜香定酱油味都颇为突出。

小食方面包括有鲣鱼汁浸菠菜、松村秘制饺子、日本海哲、胡麻章鱼、帆立贝裙边同埋味付粒贝。另外而家仲有新张优惠,喺指定位置打卡兼upload嘅话,就可以获赠日式小食券一张。另外,喺舖头消费就可获免费北海道Icenoie Gelato义式雪糕券一张。

Ramen Yaichi
地址: 将军澳唐德街1号将军澳广场1楼Kiosk A


文、相、片:Kar

关键字
将军澳
日本菜
拉面
立食
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
1天前
【2021生日优惠】持续更新!5月食日本直送海鲜送西班牙红/白酒
2021-05-07
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15