貪靚係女生嘅天性，而甜品亦係女生嘅best friend，嚟緊8月，有餐廳同美妝店合作，推出期間限定嘅咖啡店，有扮靚靚嘅化妝品之餘，亦可以同時食姊妹專屬嘅甜品！
限定café會有4款時下大熱嘅唇色唇膏，包括糖果色系、醉人深紅色系、馬卡龍粉色系同大地色系，再根據呢幾隻色系推出相應嘅甜品同特色飲料、雪條、冬甩等等。
飲料方面有玫瑰杏仁奶泡配自家製玫瑰蜜糖、紅菜頭青瓜冰茶配花蜜忌廉、洛神花喜冰樂冰茶配青檸、香橙及檸檬果粒同黑朱古力喜冰樂配雪白棉花糖雲。
雪條就有芒果香橙、士多啤梨忌廉、玫瑰咖啡、西瓜洛神花四款口味。
而幾款冬甩亦同樣同啲唇膏襯晒色，分別係法國粉紅玫瑰、芋頭、鮮奶咖啡開心果同士多啤梨味。係咪靚先？約JM啦~
詳情
LIPS CAFÉ
地址：銅鑼灣希慎廣場B1層
期間限定：8月1日至31日
文：Kar