唔少長者、基層市民都因為呢場疫情而冇咗份工，三餐不繼。呢間基督教非牟利機構，就本著「五餅二魚」嘅精神，向唔同嘅基層市民派飯，務求盡心盡力為社會奉獻。
圖﹕樂廚坊Instagram
餐廳一直以幫助更新人士重投社會為目標，盈餘會用喺香港各區派飯畀有需要嘅基層群體。而義工今次仲唔淨止企喺餐廳門口派，更加係主動行入社會，派飯畀一眾嘅公公婆婆同露宿者等，餐廳喺Instagram表示，希望一個小小嘅飯盒，可以令佢哋感受到絲絲嘅溫暖，喺患難之中都有份盼望。
圖﹕樂廚坊Instagram
餐廳嘅「抗疫飯盒」用料健康，加入唔少新鮮蔬菜、魚類等，除咗可以醫肚餓之外，仲可以增加免疫力～佢哋更會不時派健康湯包添～佢哋亦呼籲大家可以透訂購到會或飯餐等，間接幫助派飯活動。
圖：禧福協會樂廚坊
樂廚坊（禧福協會）
地址﹕觀塘創業街2號美亞工業大廈3樓A