前幾日因為有跨境司機確診，影響到蔬菜、肉類等日常食材嘅供應，菜價更一度升咗3-5成，菜心賣到50蚊斤都有，貴到一個點。元朗有間西餐廳見到「個個都要捱貴菜」，就喺過去2日盡力搜羅咗啲油麥菜返舖頭，畀街坊每人免費拎一份，派完重再補多次貨，希望可以幫到更多有需要嘅街坊。
圖：呢間西餐嘅口碑一向都唔錯，經常都滿座，今次嘅送菜行動就更加得到街坊大讚有心、有愛。餐廳由五星酒店得獎廚師主理，主力供應各種肉扒同埋甜品，性價比幾高。好似加拿大豬鞍扒咁，肉厚得嚟又唔韌，重要有肉汁；同埋記住留意下每日推介，撞啱有澳洲M7和牛臀腰肉心嘅可以試下，經慢煮處理，肉質軟腍，味道濃郁。
圖：
1987 Kitchen
地址: 元朗金輝徑28號好盛洋樓地下11號舖