今期外賣自取優惠選擇多到眼花繚亂，有叉燒專門店、手打檸檬鮮果茶、港式冰室、酸菜魚同埋麻辣燙，啱晒鍾意方便快捷又想食得滿足嘅朋友！
有團火叉燒事務所 (新蒲崗) 全單85折
專注做叉燒嘅小店，招牌古法蜜煉腩叉燒飯甜香黏口、肉味濃厚，肥膏迷一定鍾意。想多啲層次，可以揀頭牌雙拼叉燒飯，脢叉嫩口、腩叉油香，一嫩一香非常過癮；加埋期間限定免費煎蛋，簡單卻非常滿足。想返屋企加餸亦可單買叉燒。小食有拍青瓜、海蜇絲等清爽之選，解膩又開胃。
檸季手打檸檬鮮果茶 (全線分店) 全單85折
主打新鮮手打檸檬茶，杯杯現搗檸檬，酸度同香氣都啱啱好，行到攰飲一杯即刻醒神。人氣之選有茉莉手打檸檬茶、鴨屎香檸檬茶同招牌手打檸檬茶，茶香清爽又解渴。想清甜啲可以揀蜂蜜玫瑰桃桃茶；鍾意奶香就試吓開心果輕盈乳；飲返最簡單清香味嘅都有茉莉純茶，適合想換換口味或追求特色飲品嘅你。
民聲冰室 (大坑) 全單85折
呢間冰室供應多款好有懷舊風味嘅菜式，鹹蛋蒸肉餅、椒鹽豬扒、客家鹽焗手撕雞都係人氣之選，味道樸實又惹味。仲有金鈎梅菜蒸勝瓜，鮮甜清爽又送飯。午市有超抵食套餐，鹹蛋蒸肉餅配白飯或者金鈎梅菜蒸勝瓜配白飯都只係$49，超抵食！
銘興酸菜魚 (紅磡) 全單85折
呢間係專做川味酸菜魚嘅店，酸辣味突出、魚肉滑嫩，啱晒鍾意刺激味蕾嘅人。人氣之選有招牌酸菜魚同藤椒酸菜魚，前者香酸開胃，後者花椒香味更搶，麻得過癮。麻辣水煮魚就辣度更上一層，口感厚實，幾有火候；而檸檬蕃茄魚就酸甜清爽，食完都唔覺膩。小食方面有涼拌萵筍、香炸墨魚餅等，都係配餐好拍檔！
有間麻辣燙 (中環、九龍灣) 全單85折
主打自選麻辣燙嘅小店，湯底配料任你揀，辣度口味全部自由配搭。配菜選擇超多，包括潮汕牛丸、流心松露丸、美國肥牛、響鈴、海蝦等等～唔想食太辣，亦有蕃茄滑牛招牌麵同菇菇肉丁餐肉招牌麵可選。仲有不同飲食偏好的套餐選擇，無澱粉主義可以試牛骨湯配豬肉梅片、鵪鶉蛋、白蘿蔔、黑木耳、娃娃菜；素食者就有特濃蕃茄湯配秋葵、黑木耳、薯仔片、豆腐串，再加米線，一樣食得好滿足。
充滿驚喜嘅燒味店～招牌煙燻燒鵝飯好有鵝香之餘，鵝皮、鵝肉都好香脆嫩滑，啖啖都係油香同煙燻味。另外可以試埋佢哋嘅鵝油撈麵系列，例如醬皇豬手撈麵同清湯切腩撈麵，麵條煮到好爽彈，豬手入味之餘、牛腩都炆得幾香濃，簡直係港式comfort food。如果想加小食，三皇盤係唔錯嘅選擇，入面有蒜香雲耳、蒜辣鳳爪同鹽焗雞腎，惹味醒胃，同朋友share就啱晒。
馬祖 (銅鑼灣) 全單85折
主打藥膳湯底同養生麵食，湯底好木有藥材香，啱晒秋冬食。招牌必食藥膳養生湯農場雞米線同黑蒜藥膳農場雞米線，一啖滑嫩雞肉、一啖藥膳湯好暖胃。鍾意重口味嘅可以試香辣藥膳牛肉湯麵，香辣夠勁但唔嗆喉。小食選擇都幾多，例如台灣澎湖花枝丸、墨魚春卷、台灣麻辣鴨血、鹵水雞翼等，掛住台灣美食可以嚟呢度止癮。
Fish & Chick (全線分店) 全單85折
呢間英式小店主打炸魚薯條同烤雞，魚類選擇幾多，有格陵蘭島大比目魚、紐西蘭石頭魚同冰島黑線鱈魚，全部都炸到外脆內嫩，重點係完全唔油膩，配埋香脆薯條真係好有英倫feel。佢哋嘅原味烤雞都好出色，雞皮脆卜卜！而炸雞扒配薯蓉加芝士亦係人氣之選。想多啲選擇嘅話可以叫埋滋味海鮮籃，入面有炸魷魚、魚手指、鮮蝦、魚件同蟹球，份量十足！
越南語角 (鰂魚涌) 全單85折
主打正宗北越口味，佢哋嘅河內綜合牛肉湯河超抵食，一碗入面有生牛肉、牛腩片同牛丸，湯底清甜有牛香，食落滿足感爆棚。想食飯類嘅話，老街香茅豬頸肉煎蛋飯就係首選，豬頸肉燒得香口又juicy，配上煎到半熟嘅雞蛋同白飯，簡簡單單已經好好食，同場仲有撈檬系列同米紙卷系列等。小食拼盤就幾抵食，包晒春卷、炸蝦餅、香茅豬扒、香茅雞翼同米紙卷，一班人share必點。
滿恩廚房 (觀塘) 指定食品75折
位於觀塘嘅健康餐廳，主打高蛋白低油嘅飽肚餐，啱晒做緊健身或者想清淡飲食嘅人。最受歡迎嘅包括150g雞胸雙烚蛋同150g招牌滷水金錢腱雙烚蛋，飯底可以揀白飯或者無添加薑黃飯，夠晒飽肚又有營養。仲有即食真空焗焗雞呢啲方便選擇，輕鬆就食到健康又有質感嘅一餐～
OpenRice 26歲生日當然要同大家一齊食住慶祝～ 精選餐廳低至75折，仲有全單85折優惠等緊你！即日起至2025年11月27，朝早11:00起落單滿$60以優惠碼「HBD10」更可享額外減$10優惠。
仲等？按此立即落單
HBD10: https://www.openrice.com/info/takeaway/tc-HBD10.html
