夏天咁熱，唔想出街同人迫又唔想煮飯？OpenRice繼續有外賣自取優惠，無論你鍾意食咩都總有一間啱你心水！
捌加廿陸天婦羅居酒屋 (旺角) 指定食品半價/8折
主打即叫即炸嘅天丼同各款日式小食。店內最受歡迎嘅有唐掦炸雞丼，炸雞外皮香脆、肉質嫩滑多汁，配上甜鹹醬汁同白飯，簡單又滿足；海老穴子丼就鋪滿咗星鰻、黑虎蝦、蟹柳、南瓜、本菇、紫菜等，炸粉唔厚，炸得酥香但唔油膩，海鮮新鮮彈牙，成個飯香氣撲鼻～小食方面都有驚喜。雞皮餃子係招牌之一，炸得外脆內爆汁，邪惡得嚟又好食；吉列豬扒厚切炸得香脆唔乾，肉味濃郁，用嚟送酒一流；磯燒鮑魚配帶子則係鮮味十足，鮑魚彈牙、帶子厚肉，食落好有滿足感。
Plato Cafe & Bistro (新蒲崗、觀塘) 指定食品半價
主打創意西式餐點，店內菜式多元，由沙律、薄餅、漢堡、全天早餐、意大利粉到豐富主菜都包羅萬有。推介香烤雞胸西西里意大利飯，用西西里風格調味香烤雞胸，撒上香草與檸檬汁，搭配香濃番茄基底意大利飯，口感清爽帶少少酸，適合夏日食嘅健康選擇。酸忌廉煙肉薯條嘅脆炸薯條鋪上煙肉粒，再淋上酸忌廉醬，鹹香煙韌有嚼勁。
一蔥味 (深水埗) 指定食品半價/8折
以台式炸蛋蔥油餅為主打，自家搓製餅皮即叫即炸，搭配半熟炸蛋同大量葱花，每塊餅都有流蛋汁嘅驚喜～原味炸蛋蔥油餅係最純粹嘅版本，以自家發酵麵糰炸至金黃酥脆，蛋汁配上濃郁葱香味，香口而不油膩。蜜糖燒烤味炸蛋蔥油餅外層帶甜味嘅蜜糖燒烤醬，與醬汁微辣菜脯完美平衡，配合半熟炸蛋爆漿，鹹甜中帶微辣，層次豐富又好惹味；咸蛋黃味係滿滿鹹蛋黃碎，每嚼一口都有沙沙口感，搭配溏心蛋與炸葱花，鹹香十足。
新加坡馬來西亞小館，主打懷舊與新派風格嘅星馬菜。蝦醬炸雞以自家秘製蝦醬醃製，外皮香脆帶微微蝦鹹香，肉質嫩滑啖啖汁，香氣濃郁，好適合當作下酒小食；家鄉馬來炒飯用上香料與椰油輕炒，熱辣香氣十足，飯粒乾爽不黏膩，每口都帶微辣與香蔥肉粒，非常有家常風味；星馬經典蝦麵，湯底濃郁以蝦與骨頭熬製，湯汁鮮甜帶微辣，配上爽脆蝦仁與彈牙麵條，每食一啖都係滿滿鮮味同香料香氣～
老街 (油麻地) 指定食品半價/8折
想搵地道台灣味，喺油麻地呢間餐廳真係唔可以錯過！食物方面必試紅燒牛肉麵，湯底濃郁香口，牛肉大大件又淋，麵條彈牙掛湯，食完超滿足。鍾意便當嘅朋友可以試下酥炸大排骨香菇肉燥便當，排骨炸得金黃香脆，肉味濃郁唔會乾，配埋鹹香肉燥同香菇，口感同味道都層次分明。小食方面都非常出色，台灣鹽酥雞外皮香脆，雞肉嫩滑，灑上九層塔更加香噴噴。酥炸花枝丸就夠晒彈牙，炸到外脆內Q！
UnME (九龍城) 指定食品半價/75折
主打多國fusion菜，特別推介幾款人氣前菜！酥炸金磚豆腐配上黑松露蛋黃醬，外脆內嫩，香口得嚟又唔膩；香煎北海道帶子配美國蘆筍，加埋青蘋果汁提味，清新又有層次；新紀元曉芝心玉子燒，蛋香四溢，芝士控必試！另外黑松露野菌蘆筍意粉滿滿野菌同翠綠蘆筍，拌上香濃黑松露醬，一拎上手已經聞到陣陣松露香，呢款仲有限時半價優惠(30/7-19/8)，想食記得bookmark定～
Summer波奇刺身飯 (北角) 指定食品半價/8折
想食輕盈又健康嘅夏日外賣？呢間日式餐廳啱晒想keep fit但又想食得好嘅朋友～牛油果芒果田園沙律大大碗，牛油果軟滑濃香，搭配清新芒果粒同爽口生菜，酸酸甜甜又幾夾，食到夏天味道！日式三重奏刺身飯就集合三文魚、吞拿魚、帶子一碗齊齊出場，魚肉新鮮又厚身，仲鋪到好滿，配埋啱啱好嘅酸味醋飯，鮮味十足。而日式鰻魚飯嘅鰻魚慢火烤至香脆，淋上秘製蒲燒汁，味道濃郁唔會蓋過飯香。
CoCo都可茶飲 (灣仔、深水埗、九龍城、屯門、荃灣) 指定食品半價/8折
呢排天氣咁焗，淨係靠食冰品已經唔夠，仲要有清爽飲品打底先夠爽！呢間人氣台式茶飲店有幾款都好啱夏日，如清香茉莉輕乳茶茉莉花香細嫩搭配香滑鮮奶，甜度恰好，唔會蓋咗茶香，飲到清新好舒服；楊枝甘露冰嘅芒果、西柚果粒爆出鮮果感，椰奶濃度啱啱好，嚟一杯即刻有度假feel；鮮百香綠茶茶味回甘，百香果酸甜香氣明顯，清涼醒胃又唔膩，一試就愛上～
NUTTEA (尖沙咀) 指定食品半價/8折
主打健康又創新嘅台式堅果奶飲品，堅持唔加牛奶、唔加奶精，改以自家製堅果奶取代，啱晒注重健康嘅朋友。呢幾款冰涼又有創意嘅夏日飲品，絕對係清爽消暑之選。西柚綠茶沙冰將西柚打成冰沙，再混合清香綠茶，酸酸甜甜、果香滿滿，飲落去即刻透心涼；椰子水堅果奶蓋則用上天然椰子水做base，面頭加返厚厚堅果奶蓋，香濃中又帶椰子清甜，層次感十足；至於芒果茶堅果奶蓋就啱晒芒果控，茶底微甜清新，加埋濃香堅果奶蓋，味道豐富之餘又唔會膩。
飯丸屋 (上環) 指定食品半價/8折
日式手作飯糰嘅小店，用料新鮮、口味創新又有層次，打破傳統飯糰印象。推介海苔醬卡拉雞飯糰，卡拉雞加上香濃海苔醬，口感香脆帶鮮味，雞肉香嫩多汁，鹹香味十足，非常開胃；Double炸蝦芝士飯糰係誠意之作，唔只一隻，而係兩隻酥脆炸蝦，配搭濃滑芝士，整個飯糰立體感十足，一口食到蝦嘅鮮味同芝士嘅濃香。想食甜品可以試埋麻糬波波，煙煙韌韌愈食愈上癮！
OpenRice外賣自取幫你用超抵價滿足味蕾！過百間人氣餐廳帶嚟至少8折，每星期都有半價優惠！即日起至2025年8月27日，朝早11:00起落單滿$50以優惠碼「SALE」更可享額外減$10折扣！
仲等？按此立即落單
SALE：https://www.openrice.com/info/takeaway/tc-SALE.html
