喺日本有125年歷史、主打純種名古屋交趾雞嘅老字號「雞三和 TORI SANWA」首次進軍香港！品牌嚴選佔全日本雞隻總量僅0.14%嘅珍稀名古屋交趾雞，更堅持從源頭掌控最佳品質，打造獨一無二嘅正宗日式雞肉料理。佢哋嘅招牌親子丼，全球累計賣出逾10億碗咁多！香港店當然有供應啦，而且仲有3款期限定口味𠻹，即睇邊款啱你口味啦～
招牌親子丼 傳揚百年本味
特上名古屋交趾雞親子丼($118/單點；+$38/定食套餐)
打開餐牌，你會發現有交趾雞同香草美水雞，點餐時要留神呀～鎮店款式「特上名古屋交趾雞親子丼」全球三年累計已賣出1億碗，係必食Item！唔講可能唔知親子丼最早源自江戶時代，逐漸演變為日本國民美食，品牌仲沿用1900年創立時所調配嘅醬汁秘方，可以話係元祖級風味。醬汁以獨家魚貝高湯為基底，再特別加入名古屋交趾雞嘅雞骨高湯精華，甜度平衡得啱啱好。
膠原蛋白雞丸子湯
如果升級為定食套餐(一律+$38)，會包括紀州梅乾三小碟、膠原蛋白雞丸子湯以及自家製冷泡茶，當中湯品嘅雞丸子入口爽滑，湯汁清甜鮮味，值得一試。
名古屋交趾雞雞肉三吃定食($158)
另一款人氣菜式「名古屋交趾雞雞肉三吃定食」就啱鍾意多重體驗嘅朋友。餐廳先以秘製醬油慢烤雞肉至表皮金黃、脂香四溢，所以一開蓋就聞到陣陣香氣。食法可以按餐廳指引：先品嚐原汁原味；再按個人喜好，配上蔥花、芥末、海苔或鹽昆布等佐料提鮮；最後加入湯汁，以茶泡飯形式品嚐。
烤雞肉爽滑香口又入味
第二、三種食法味道層次更豐富
交趾雞期間限定菜式
鮭魚籽親子丼($128/單點)
牡蠣親子丼($138/單點)
特濃起司雞排親子丼($118/單點)
交趾雞親子丼設有3款「秋之期間限定」口味，鮭魚籽親子丼味道最清甜，啱口味偏Light嘅朋友；而牡蠣親子丼視覺效果最澎湃，皆因蠔隻好飽滿；而特濃起司雞排親子丼就最啖啖肉，連埋輕炙芝士一齊食好惹味。
其他推介
水炊雞湯鍋($298)
餐牌亦涵蓋烤雞肉串、鍋物等款式，讓大家品嚐雞肉料理各種風味。好似有「日本四大鍋物」之稱嘅福岡縣鄉土料理水炊雞湯鍋，整個湯底同材料都由日本名古屋直送，更嚴選名古屋油雞同雞骨熬煮逼出精華，乳白色雞湯味道濃厚，令雞翼、雞件同雞滑鮮上加鮮。
定食套餐可追加各種雞肉小食($28起)
人氣小食炸雞翅(追加價格：交趾雞$68/2隻，香草美水雞$48/2隻)
小食之中，炸雞翅相當受歡迎，開飯仔幾鍾意甜醬油味滲晒入雞皮同雞肉，惹味但唔會過鹹，大人小朋友都一定鍾意食！
雞三和
地址: 香港銅鑼灣勿地臣街1號時代廣場B2樓B224A號舖
更多OpenRice詳細推介：
► 【中秋2025】中秋節團圓飯合集！ 即烤三黃薯片雞/經典港式風味/手工粵菜 (按此)
►2025掃街地圖 港九新界30+小食店推介 (持續更新！) (按此)
► 2025秋季自助餐合集！海鮮與大閘蟹主題/豪華澳洲龍蝦刺身拼盤 (按此)
文：Cathy
