台湾富豪饭堂名厨主理!山顶新开面食专门店 必试清炖鸡汤面
2020-01-16

锺意食面嘅朋友!山顶广场最近新开一间面食专门店,由台湾富豪饭堂喆园餐厅行政总厨梁华生担任总顾问,唔少名人都系fans嚟㗎。餐厅主打各个国家特色面食,但以台式为主,於台湾及上海设有分店,大部份食材由台湾运到,仍然keep到水准。


原味清炖鸡汤面配豉油鸡

碗面嘅灵魂当然系鸡汤。餐厅用一部特制嘅机器将原只鸡连骨压碎成汤,真系原只鸡嘅精华融入汤内,饮嘅时候有黏感,满满骨胶原,而幼细嘅台湾手工面亦非常挂汤。


原味清炖鸡汤面可自选配豉油鸡或松板猪颈肉,豉油鸡系梁华生总顾问嘅拿手菜,唔少食客都系特登为咗佢嚟食。全部都系用台湾调味料,味道较甜,肉质嫩滑。豉油鸡每日限定,想食就要早啲去啦。


金玡居拌面

招牌拌面嘅灵感其实来自西式意粉,以橄榄油为基底拌入白磨菇及樱花蛋,食嘅次序都好讲究。先食一啖原味拌面,再将樱花蛋同面拌匀,味道即刻creamy啲,最後再拌入沾猪颈肉嘅泰式酸辣酱,又会清新同惹味咗。


麻辣臭豆腐牛肉面

麻辣锅同臭豆腐都系好出名嘅台湾食物,餐厅就将呢两样食物合拼,制成呢碗台式fusion面。汤底系牛肉汤加麻辣,牛肉汤放咗大量牛腱肉及新鲜蔬水果熬成,麻辣味较温和。而水煮臭豆腐虽然闻落唔臭,但食落有好香浓嘅臭豆腐味,臭豆腐控必食!


黑麻油松叶蟹汤面

黑麻油松叶蟹汤面由於时令关系,净系供应到三月咋。汤底用鲜鸡汤加上台湾黑麻油制成,香气明显,松叶蟹脚都好新鲜。


小食推荐宫保皮蛋臭豆腐及盐酥鸡,皮蛋臭豆腐同样够晒臭,而盐酥鸡亦皮薄香脆。


饮品方面都系诚意之作,宇治红豆奶冻冰抺茶味浓郁,而且唔会过甜,花生黑珍珠燕麦冰同样香浓,粒粒珍珠仲好有咬口添!


金玡居

地址: 山顶山顶道118号山顶广场1楼118号舖






文: Yanica

相、片: Tom Li


关键字
山顶
过江龙
台式
面食
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
2020-09-18
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
油麻地新开小木屋Cafe 叹西日Fusion龙虾汤乌冬配咖啡
2020-09-08