另类情人节大餐 平食米线送十小辣朱古力 单身族很坚强斋肠
2019-02-12

听讲「爱对了人,就天天都是情人节」。唔一定要搵个肯陪你食M记嘅女朋友嘅,假如佢肯喺情人节当日,唔要求食贵夹唔饱净系得个景同气氛嘅情人节大餐,而系肯同你食又平又抵食嘅另类情人节特餐嘅话,就真系爱呀哈利!

谭仔三哥   十小辣朱古力

 图:拖罗大白鲨

谭仔三哥可以话系长期行亲民路线嘅米线店,勿演懒肉实小辣深得一众穷鬼欢心,一碗唔够嘅话叫埋土匪鸡翼就啱啱好,再唔系嗌碗过桥米线乜料都有唔使烦又饱肚,请埋囡囡食最多咪一百蚊就落得楼。

今个情人节,三哥仲要出招,食完碗米线,仲有甜品食添呀!三点开始就会送「辣之恋人」——十小辣朱古力!又辣又甜嘅感觉,你哋应该好熟悉啦?不过咪话开饭仔唔提你,朱古力数量有限,送完即止呀,唔系等阵一个唔小心,又中咗十万个激嬲女朋友嘅理由呀科科。

海皇粥店 情不自禁炒米粉 

 图:Jacqueline Au

简简单单食碗粥就满足嘅话,做人都几开心吖~ 海皇出咗个放闪餐,连啲名都sweet池过人嘅,一阵又「含情脉脉艇仔粥」,一阵又「情不自禁炒米粉」咁,仲要$99就埋到单,经济实惠。

呢间粥舖好鬼窝心,唔止推出放闪粥餐,仲照顾到一班单身仔女,有个限定「很想独自快乐餐」。其实啲嘢食就冇咩特别嘅,都系粥呀肠粉呀咁,但啲名就叫做「一个人的猪红粥」、「单身万岁碎牛粥」、「很坚强斋肠」咁,真系好很有正能量!Loop住「很坚强很坚强x10000」次咁食,肯肯定会过得很坚强㗎,系咪呀哈姆太郎?


文:Kar


关键字
情人节
情人节大餐
米线
朱古力
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
本月热门
【随时更新】最後倒数!即将结业的老字号及人气小店
2020-05-19
【随时更新】零食速报 每周新款零食、酒品点评
4天前
全城抗炎!人气酒店自助餐重开 每位送鲍鱼、带子
2020-05-11
全城抗炎!喺屋企做大厨 懒人煮食包/套餐集合文
2020-05-13
【随时更新】全城抗炎!多间集团餐厅及老字号宣布 暂停晚巿或休业 (内附名单)
2020-04-29