新沪坊
新沪坊菜式由主厨干曙光师傅主理,入厨25年嘅干曙光师傅一向悉心研制健康上海菜,佢设计嘅菜式既保留了传统上海菜烹调嘅方法同神髓,亦减少使用油同糖嘅份量,令油腻感大减。干师傅除咗注重食物味道,对食物嘅卖相亦十分讲究。
有机鲜蔬炒珍菌
由於有机蔬菜带有天然甜味,所以经大火短时间爆炒後,加少少海盐已经好够味。食材包括云耳、豆乾、秋葵、南瓜、杏鲍菇、秀珍菇及甘荀,食落既爽口,亦保留到蔬菜本身所含嘅水份和鲜甜。
丰年藏珍宝
香脆嘅锅巴盛住炒香咗嘅自家腌制五花肉粒、鸡头米及青红椒,菜式主要靠少许蚝油调味。配埋以乌龙茶泡嘅清鸡汤,食完一啲都唔会觉得咸或肥腻。
原味豆浆浸胜瓜
呢道菜主要想食番食材本身嘅鲜味。材料简单,只有胜瓜、杞子及豆浆,先将胜瓜刨皮後稍为煎香,现代人注重健康,平时都锺意白烚蔬菜,如果唔想太单调,可以试试用豆浆浸蔬菜呢个方法,味道会更丰富。
地址:湾仔港湾道1号香港会议展览中心1楼
电话:2582 7332
营致会馆
营致会馆於2018年获米芝莲二星荣誉,由行政总厨萧显志师傅主理,餐厅同样实行少盐少糖理念。
珊瑚芙蓉水晶虾球皇
主角大花虾爽脆鲜味,加入鲜蟹肉、蟹膏及蛋白,味道层次更丰富。最後以上汤、少量盐、糖及麻油打番个芡,口感更滑。
竹笙松茸炖菜胆汤
想饮番碗清新啲嘅汤水,呢道竹笙松茸炖菜胆汤系不二之选。选用野生竹笙,加入松茸、白菜及上汤炖十小时,上汤以上好火腿、老鸡及赤肉熬成,肉味较浓。
金汤上素石榴球
南瓜汤加入忌廉,味道香之余,口感更滑。石榴球嘅馅料包括多种菇类,只系加咗少量调味去带出菇菌本身嘅鲜味,而用生粉及澄面制成嘅外皮亦烟烟韧韧。
地址:中环干诺道中41号盈置大厦地下G05、107及108号舖
电话:2801 6882
嘉麟楼
嘉麟楼由行政总厨林钰明师傅主理,菜式少盐少糖,希望顾客食番食材本身嘅味道。
鱼汤蛋白蒸蟹钳
选用三斤以上嘅肉蟹,因为蟹肉较厚身、紧实及鲜甜。将蟹钳生拆後放上蛋白蒸,最後淋上用鱼汤、蟹壳制成嘅茨汁调味,茨汁只加了少许岩盐,蟹肉同鱼汤嘅鲜味完全渗入蛋白中。
虫草花炒鸽脯
炒鸽脯系以前富有人家先食到嘅菜式!师傅先将鸽片煎香後,再用上汤炆至入味,所以唔使落咁多调味枓。再加入炸得香脆嘅虫草一齐炒,口感就更加丰富。
金盏果仁畔水芹香
呢味餸同样都系食番蔬菜本身嘅味道。食材包括马蹄、水芹、法国芦笋及夏威夷果仁。每一种食材都好新鲜,加入夏威夷果仁,就更有画龙点睛嘅效果。
地址:尖沙咀梳士巴利道22号香港半岛酒店1楼
电话:2696 6760
* 资料由客户提供