饮黑糖珍珠、珍珠奶茶饮到厌?咁可以考虑转吓口味,试试呢间嚟自内地嘅人气饮料品牌我是酸奶君啦。我是酸奶君喺内地有约700间分店,海外就分别喺加拿大同澳洲开设,今次终於到香港啦!店舖选用100% 新鲜牛奶同天然乳糖,酸奶由云南牧场直送,再经过72小时慢酵後制成独立包装,每份都必定喺24小时内使用,保证新鲜。
吃米酸奶($29)
招牌吃米酸奶其实就系酸奶内加咗紫米同糯米,酸奶感觉较滑身,而紫米有强肾同补血功效,经过浸泡、筛选、微醺、煮沸、过滤同搅拌等工序,先可以选出饱满同圆润嘅紫米粒,口感软糯Q弹。然後再将紫米冷却至70度,咁就可以散发到天然嘅甜味。而且每一份紫米都一定会喺4小时内使用,呢杯建议餐前饮用或者做代餐都可以~
更多【新店直击】: |
芒芒果海($38)、莓果粒粒($38)
如果又想饮酸奶,又想食紫米同时又想饮果汁?咁呢杯芒芒果海同莓果粒粒就啱晒贪心嘅朋友们!吃米酸奶基底上加入新鲜即榨芒果汁,味道清新。而莓果粒粒就系将新鲜士多啤梨整成蓉,再加入酸奶内,仲可以食到一粒粒嘅士多啤梨㗎~
益生草莓君($40)
食饱饭想饮杯嘢清吓肠胃,益生草莓君系个唔错嘅选择,佢系酸奶、士多啤梨同茉莉绿茶嘅结合,除咗酸甜仲带少少茶嘅甘香,解腻一流~
地址: 旺角豉油街60 -102号地下A舖
文、相、片: Yanica