而家正值蟹季當造時節，梗係要食蟹宴自助餐啦！尖沙咀呢間五星級酒店嘅「阿拉斯加帝王環球蟹宴」自助餐加入新items——以法國蜘蛛蟹同本地藍花蟹推出更多任食新菜式，同時繼續選用大受歡迎嘅日本築地直送阿拉斯加帝王蟹為主打蟹款，即睇有咩必食推介啦～
多款蟹料理貫穿早午餐、午餐、自助晚餐時段
冰鎮海鮮區
今次蟹宴自助餐供應東南亞、西式同日式風味，選擇多元化，而大家首先攻陷嘅係冰鎮海鮮，當中晚市供應啖啖肉又鮮味嘅加拿大長腳蟹同龍蝦等最高人氣！提提你沙律區嘅「阿拉斯加蟹肉雜果沙律」都不容忽視，大量蟹肉鋪滿沙律表面，誠意十足～
蟹肉燉蛋
全日菜式之中，輕盈嘅「蟹肉燉蛋」以日式茶碗蒸做法製作，入口綿密嫩滑；另外暖胃推介「法國蜘蛛蟹海鮮粥」，加入蜘蛛蟹、各種蟹肉同海鮮熬煮，清甜得嚟夠鮮味。
限定時段推介
晚市自助餐
火焰西班牙海鮮法國蜘蛛蟹黃飯
每晚指定時段供應嘅大鑊「火焰西班牙海鮮法國蜘蛛蟹黃飯」，以西班牙海鮮飯做法加入青口、蜆、鮮蝦等多款海鮮烹調，蜘蛛蟹蟹膏豐腴，拌勻絲絲蟹肉，味道同口感都好豐富。派發前大廚會喺自助區即席點火燒灼飯面，令香氣更突出！
阿拉斯加蟹腳啖啖肉
即燒阿拉斯加蟹腳、香煎鴨肝新鮮熱辣，前者只需輕輕調味，後者則油香豐腴，照顧唔同口味嘅朋友。
惹味薑蔥炒蟹、黃金炒蟹
仲有薑蔥炒蟹、黃金炒蟹、泰式蟹粉絲、黑椒炒肥肥蟹同蟹肉扒時蔬等熱盤都落足料，其中黑椒炒肥肥蟹跟馬來西亞做法，以多種胡椒炒製，辣得出色有層次，無辣不歡嘅朋友必食呀！
晚市及早午市限定
任食蟹肉三文魚籽丼飯
迷你版「蟹肉三文魚籽丼飯」口感豐富，鮮味爆燈～鍾意西式風味就記得試「香炒加勒比海野生龍蝦」， 牛油香包裹龍蝦，愈食愈滋味！
平日午市及周末早午市
阿拉斯加蟹芝士炆伊麵
阿拉斯加蟹芝士炆伊麵、清蒸生蠔同香草牛油燒大蝦會分別輪流上場，成人享用周末自助早午餐更可無限量添飲氣泡酒，氣氛更加休閒寫意。
其他特色美食
招牌甜品：自家製榴槤雪糕、榴槤甜品
火炙和牛壽司、海南雞飯、燉湯以及印度咖喱都值得一試。而甜品方面，GODIVA雪糕同多款馳名嘅榴槤甜品，如自家製榴槤雪糕、迷你D24榴槤芝士撻、榴槤麻糬葡撻等都係甜品控同榴槤控嘅追捧之選。
*自助餐菜式輪流供應。
The Market 
地址: 香港尖沙咀科學館道17號唯港薈2樓
官網訂座：(按此)
