一秒变出 招牌十八层海胆杯 佐敦小店全新体验 魔术X铁板烧
2021-06-11

食铁板烧除咗系味觉嘅享受,视觉亦同样得到满足,睇住师傅即席嘅表演,确系精彩。佐敦有间铁板烧专门店,更加创新地将铁板烧融合魔术,一时喺个餐牌度变出一杯十八层海胆杯,一时又凌空拉出火焰,够晒效果。

 十八层海胆杯发办「一人前」套餐

铁板烧专门店主理人乐师傅有超过30年经验,为咗喺疫情下带畀港人欢乐同满足,佢特地向国际级专业魔术师请教,学咗几道板斧,完美融合落铁板料理度。想尽情质赏师傅魔术表演嘅,最好就拣十八层海胆杯发办「一人前」套餐啦(留意返套餐最少要叫两份起跳)。套餐包括有一杯仔餐前水果酒、时令海鲜前菜、时令沙律、十八层海胆杯、火焰海胆甲罗烧、2款铁板时令海鲜、铁板肉类、时令特色炒饭、烧野菜、特色纸包花胶蚬汤、吟酿清酒,同埋时令日本生果或自家制甜品,相当丰富。

 火焰海胆甲罗烧

多款菜式均加入海胆制作,火焰海胆甲罗烧除咗啖啖松叶蟹肉、蟹膏之外,仲舖上三文鱼子、海葡萄、黑鱼籽同埋海胆,鲜味十足。睇住师傅表演嗰阵,千祈唔好眨眼,会有凌空火焰效果啊,好有气势~

 十八层海胆杯

重头戏当然系招牌十八层海胆杯,师傅介绍紧啲菜式,讲讲下时会突然喺本menu度拎咗杯海胆杯出嚟,为食客制造惊喜。高身长杯内放满各式各样嘅食材,包括北海道紫海胆,松叶蟹肉、三文鱼子、粒贝、蓝鳍吞拿鱼拖罗容、北欧花胶、冻矶煮鲍鱼、樱花鱿鱼、牡丹虾等等,每啖都有唔同嘅味道同口感,有鲜甜有甘甜,层次丰富。

 芝士海胆烧龙虾

 鲍鱼汁烧带子

套餐既有海鲜亦有肉食,师傅会按季节挑选时令海鲜,开饭仔采访当日就系芝士海胆烧龙虾同鲍鱼汁烧带子。前者加入自家制作海胆酱同芝士,龙虾爽甜带咸香;後者先以牛油炒香海胆,再加入自家制鲍鱼汁提鲜,连埋达刺身级别嘅带子一齐轻烧,又鲜又甜。

 铁板A5和牛肉眼

肉食方面,推介牛魔王可选铁板A5和牛肉眼,薄烧再卷埋海胆、紫苏叶同蜜糖爆珠,肉香中渗出甘甜味,而且入口仲有好香浓嘅松露味呢。蜜糖爆珠咬开即爆汁,有助解腻。如果唔食牛嘅朋友仔,则可选十胜黑豚肉。

 时令特色炒饭

 海胆清酒雪糕

幸运嘅话仲可以遇上自家制海胆清酒雪糕作为甜品,会食到粒粒海胆呀!

睇到最尾嘅朋友仔,有彩蛋送畀你哋。餐厅为庆祝新开业,由即日起至6月15日,凡系身份证内有「乐」字嘅食客,惠顾即可以优惠价$68食到原价$298嘅北海道海胆流沙大虾山药薄脆。



乐Teppanyaki  
地址:佐敦伟晴街29-37号骐邦大厦地下6号舖

文:Kar
相、片:Tom Li

关键字
佐敦
日本菜
铁板烧
魔术
海胆
海鲜
新店直击
走在最前线,为大家搜罗及报道有关新开餐厅的资讯。
餐厅资料
本月热门
【2021生日优惠】持续更新!7月寿星半价叹和牛烧肉套餐
2021-07-09
【恭喜张家朗、何诗蓓】多间餐厅立即推出限时优惠一览
3天前
榴槤Buffet真的很兴奋~ 九龙区酒店7、8月限定榴槤盛宴
2021-06-30
投奔盛夏 7-8月份下午茶推介
2021-07-08
6月份好评餐厅十强
2021-07-06