【8月生日】超靓!人气生日蛋糕懒人包
2020-07-28

最近疫情反覆,大家都减少外出一齐抗疫。呢段期间反而多咗时间陪屋企人,如果你咁啱8月生日,今年仲可以留喺屋企同家人一齐吹蜡烛、食蛋糕。想喺屋企都影到靓相留念,拣个精致生日蛋糕是必须吧~今次就介绍各款网红蛋糕,有啲仲系纯素无麸质嘅健康蛋糕𠻹。

POEM PATISSERIE by Tate 唯美诗意
香港着名女厨师Vicky Lau 主理嘅餐厅TATE Dining Room & Bar 曾获米芝莲一星,其後佢再开咗呢间POEM PATISSERIE by Tate,令大家见识到蛋糕诗意柔情一面。当中最令人惊叹嘅就系「山水」,将山水画风融入法式慕丝蛋糕,恰到好处嘅留白更有意境。蛋糕用冷泡铁观音茶制成,加入茶味杏仁蛋白饼、金桔软糖、白朱古力外层、柠檬海绵蛋糕,轻甜微酸。

(左)诗意「山水」蛋糕、(右)淡绿色扇型蛋糕好典雅
图:poempatisserie @Instagram

Cake of Stardust 吸睛多层夹心蛋糕
大胃口必拣嘅超多层夹心蛋糕,加埋丰富Topping 同Lava 元素超吸睛。蛋糕有4寸、6寸或8寸拣,就算屋企多人都好够食。佢哋嘅朱古力蛋糕非常受欢迎,朱古力味相常浓郁,并略带可可嘅甘苦味,朱古力控一定锺意!

(左)朱古力味极浓郁、(右)独角兽颜色嘅绵花糖朱古力蛋糕影相好靓
图:cakeofstardust @Instagram

LE BREAD LAB 细食之选韩国人气班戟卷
由韩国红到嚟香港嘅LE BREAD LAB,踏入粉红店面已感受到满满少女心。呢度并唔系买大大件蛋糕,反而系一啖一件嘅班戟卷。软软班戟夹住绵滑忌廉,有杂果、咖啡、朱古力口味等选择,最受欢迎嘅系士多啤梨味,清甜士多啤梨同忌廉好夹。自问怕腻食唔晒原个蛋糕嘅话,呢款细细件食得晒又有庆祝气氛。

(左)士多啤梨班戟卷、(右)细细件可以一次试多几款口味
图:chanrrachelhkmore_foodie

The Vege Lab 纯素甜品师远赴巴塞隆拿学艺 
近年越嚟越重视健康饮食,唔少人都想搵纯素、无麸质蛋糕,其实香港都有唔少呢类健康蛋糕㗎,其中一间就系The Vege Lab,甜品师亦系纯素者,曾远赴巴塞隆拿学法式甜品。蛋糕不含鸡蛋、牛奶、牛油或动物成分,对蛋奶敏感嘅话都可以Enjoy 蛋糕喇。好啱夏天食嘅就有「纯素吕宋芒青柠慕斯蛋糕」,吕宋芒够香甜,馅料仲有新鲜芒果蓉、芒果肉同青柠Ganache。

(左)夏天当造吕宋芒「纯素吕宋芒青柠慕斯蛋糕」、(右)斯里兰卡红茶制作嘅「纯素维多利亚伯爵茶蛋糕」
图:thevegelab @Instagram

Cafe Infiniti CInfiniti C By October 梦幻蓝调纯素蛋糕
讲到纯素蛋无麸质蛋糕,当然不得不提Cafe Infiniti C。佢哋嘅店舖走浅蓝色欧洲风,平时坐喺度睇吓书、饮咖啡、食件蛋糕相当写意。但疫情下当然买蛋糕返屋企食最好啦。呢度嘅招牌「蝶豆花伯爵茶蛋糕」同样用上浅蓝色调,贯彻店舖嘅文青气氛。味道方面则有淡淡茶香,口感松软。

(左)文青浅蓝调「蝶豆花伯爵茶蛋糕」、(右)西环分店招牌宝蓝色蛋糕「Royal Blue Rose Cake」
图:infiniti__c @Instagram

生日饭局
好友生日饭局的环境、食物质素、惊喜等因素都很重要,开饭仔集合各类最适合庆生的餐厅,方便饭局搞手。
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!屋企都叹到三层架下午茶 Tea Set外送/外卖自取推介
4天前
全城抗炎!北角酒店最新应变 自助餐都有得外卖?
2020-07-17
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-07-30