【5月生日优惠】海景BBQ送乳猪全只 免费食酒店级日式放题
2020-05-05

一个疫情,提醒我哋重视健康之余亦更珍惜身边人,原来家人、伴侣、朋友喺身边已经系一件幸福事。疫情下嘅生日当然想同身边人一齐过,所以今次特别搵嚟户外BBQ 生日优惠,喺户外庆祝生日就更安心啦!如果想坐得舒服,仲有米芝莲推介嘅日本料理、黎巴嫩菜等生日优惠㗎,睇落去就知。

龙鼓滩海边BBQ 生日客人免入场费+气球布置

「龙鼓滩海边BBQ」系自助烧烤,提供40 几款美食任烧,好啱同朋友家人玩足一晚。除咗出名靓海景,同场亦有各种玩乐设施;黄昏时段可以睇日落;夜晚亮灯後仲好有气氛𠻹。最近大家都留喺屋企努力防疫,难得庆祝生日去海边BBQ 呼吸吓新鲜空气啦。

图:eddiechan81

图:loveeatghostKent-CEO

生日优惠:生日客人出示生日证明,於生日当天或7天前都可享以下优惠,包括生日客人免烧烤入场费、提供1套气球装饰布置、赠送生日卡1张、即影即有拍摄1次、生日歌曲点播等。优惠不可转让,最新详情可致电店家查询喔!


白石烧烤  送金牌乳猪一只

同样出名靓海景嘅「白石烧烤」系根据人数Order 套餐,虽然唔系任食但食品相当高质,推荐畀情侣、闺蜜慢食享受气氛,毕竟呢度可以由马鞍山乌溪沙眺望吐露港海景,远离繁嚣好舒畅。因应疫情关系暂时只有2人海鲜餐同4人海鲜餐,之前提供嘅独立屋套餐暂停,想喺独立屋打麻将、打机、BBQ就Mark 低先,暂时乖乖哋喺户外庆祝生日啦~

左图:LionbDining

图:祖记小宝ckykaren

生日优惠:免费登记成为会员,於生日月份与同行亲友消费满HK$1,500 即送堂食金牌乳猪一只。留意返,非会员想享生日优惠,需於生日月份前一个月成为会员,所以5月後生日嘅寿星都快手登记为会员先喇。


九龙海逸君绰酒店炉端烧 生日客人免费食放题

锺意坐得舒舒服服,仲有酒店级日式放题优惠!喺红磡嘅九龙海逸君绰酒店「炉端烧」连续3年获《米芝莲推介》,系有保证嘅正宗日式料理。环境简约和式,招牌炉端烧有北海道鳕场蟹、飞驒牛、神户牛等。生日优惠亦好抵,生日客人可以免费食午市日式放题,暂时无得去日本旅行,食餐日本菜都可以满足吓。

图:vinnyyu技巧树熊

图:apple4_8

生日优惠:凡4位惠顾「相扑手日式午市放题」,生日客人即享免费 (最多2位小朋友同行)。优惠需於2天前於酒店官网预订,并输入生日日期连同优惠码「birthday」即可。


Shahrazad Lebanese Dining Lounge & Bar 7折饮香槟、红白酒等

生日想试啲新嘢,黎巴嫩菜你又食过未?餐厅由黎巴嫩人开设,口味地道,喺香港甚少机会食到㗎!必试超大份量烤肉拼盘,有齐炭香牛肉、羊架、鸡肉~当然仲有黎巴嫩地道菜Mezze,有冷、热、乳酪、香辣等多款口味拣,好似去咗一场快闪中东之旅。店内环境开扬,特大窗户远望中环街道同大馆,仲有露台座位拣,空气流通,系难得闹市中嘅悠闲地方。



生日优惠:酒水消费满HK$300,其後香槟、红白酒及其他酒精饮品享7折优惠。

生日饭局
好友生日饭局的环境、食物质素、惊喜等因素都很重要,开饭仔集合各类最适合庆生的餐厅,方便饭局搞手。
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!屋企都叹到三层架下午茶 Tea Set外送/外卖自取推介
3天前
全城抗炎!北角酒店最新应变 自助餐都有得外卖?
2020-07-17
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-07-30