【2020中秋】齐撑本土小店ssss 自家制蕃薯香芋金沙月饼、马拉直送榴槤冰皮
2020-08-07

临近中秋,除咗各大集团同酒店会推出月饼之外,仲有好多本土小店都有推出㗎,好值得支持!当中有啲更系自家制、纯天然嘅添,啱晒注重健康嘅朋友仔。另外,不约而同地,多间小店都分别供应由马拉直送嘅猫山王榴槤月饼,榴槤迷要mark实喇!

A Treat 潮式奶皇流心满月

观塘小店嘅几款月饼都满有特色,皇牌伯爵奶茶柠檬夹心月饼以茶叶泡出伯爵奶茶,加入鲜柠皮同果汁夹心,清新芳香,冇一般月饼咁腻。抹茶控就最挂住佢哋嘅特浓宇治抹茶流心月饼,理所当然选用佢哋一向合作开嘅@Matchæologist®HK 抹茶主义抹茶粉,味道微甘带甜,软糯流心。而潮式奶皇流心满月更系今年全新推出,传统潮式酥皮,配搭新兴嘅蛋黄手工流心馅,层次丰富。重点系,全部月饼都系少甜㗎!

早鸟优惠(按此)﹕ 即日起至8月31日

CookHouse 蕃薯香芋金沙月饼

图﹕CookHouse Facebook官方网站

食月饼都一样可以食得健康!呢间西餐厅推出低糖嘅蕃薯香芋金沙月饼,淡紫色嘅外皮加入紫薯粉、椰汁等。月饼馅分别有蕃薯同香芋,再加入咸蛋黄,甜得嚟又散发住浓郁嘅咸香。采用嘅材料都系纯天然,不加防腐剂,记得要趁早食呀!

限时订购(按此

叁拾士多 陈皮红豆月

图﹕叁拾士多Facebook官方网站

呢间小店共推出两款截然不同嘅手工制月饼——伯爵茶奶皇月、陈皮红豆月,一款创新一款传统。前者嘅饼皮以英国高级French Earl Grey茶叶制成,吉士饀料更加由法国订购,香滑幼嫰。而陈皮红豆月就以台湾相思红豆同十年陈皮制成,不甜不腻,仲有啲回忆嘅味道!

限时订购(按此)﹕即日起至9月14日

享乐烘焙 LY Bakery 手工奶黄月饼

图﹕享乐烘焙 LY BakeryFacebook官方网站

呢间本地烘焙店一向提倡纯天然,唔用人造牛油、猪油等。面包、bagel等都深受欢迎,而今年中秋更推出全新配方嘅手工奶黄月饼。外皮金黄,满满嘅奶黄馅,用料纯天然。挂住台湾嘅朋友们,仲可以订购埋帝王酥、台湾大甲芋头麻糬酥同台湾乌豆沙蛋黄酥添!8 月1 号全面开卖,记得mark实日子!

花果山 顶级猫山王月饼


呢间人气小店早前喺旺角结业时大家都好唔舍得,好彩最近终於喺尖沙咀重新开张啦,仲有月饼卖添!佢哋本身都系以榴槤饮品打出名堂,月饼当然都系榴槤味啦~ 新鲜到港嘅猫山王冰皮月饼,饼馅用顶级猫山王榴槤肉制成,保证足料,每一啖都有猫山王果肉,超浓郁榴槤香,食完见字都会唔舍得饮水呀!

限时订购(按此)﹕预订即送$50花果山现金券

GoodDay Cafe 马拉直送榴槤月饼


呢间本身喺铜锣湾开店嘅cafe,暂时结束咗营业,但新店将会落户葵兴。FANS未等到新店之前,可以订住佢哋嘅月饼先。同样系用马来西亚顶级猫山王果肉制,外皮雪白,显得入面淡黄色嘅榴槤更加吸引,味道香浓醇厚,食完仲有榴槤甜味嘅回甘添~小店今次推出嘅系迷你装,一啖一嚿,仲过瘾呀!

早鸟优惠(按此)﹕ 即日起至9月3日

沣美小食 经典榴槤冰皮

图﹕ King of Kings 皇上王Facebook官方网站

讲到马来西亚榴槤品牌,就一定唔少得「皇上王」啦!每年推出嘅榴槤冰皮月饼都吸引唔少榴槤迷呀!想一试经典嘅榴槤迷,可以通过呢间小店订购。一拆包装就闻到阵阵榴槤香,榴槤馅以90%以上榴槤果肉制造,坚系啖啖果肉,包满足。

限时订购(按此

马来金猫 黑色榴槤月饼

图﹕猫山王国mumu Durian Facebook官方网站

呢款猫山王榴槤月饼,同样系马来西亚制造,猫山王榴槤馅相当厚实,配上薄薄嘅冰皮,口感一流呀!造型更加系别出心裁,唔单止系淡黄色,更有黑色,点估都估唔到入面系榴槤馅啦(不过咁香榴槤味,应该都估到)~

早鸟优惠(按此)﹕即日起至8月1日,低至7折

壹点盅 黄到金月饼礼盒


黄到金月饼礼盒系真正由香港人自家手作,礼盒有奶黄同咸蛋黄奶黄各3个,独立包装够卫生。手工即制月饼不含防腐剂,食得更健康。

餐饮券:92折 黄到金月饼礼盒 (6个装)


更多【2020中秋合集】:
1. 台式流心奶皇、电车限量版月饼 早鸟优惠及限量预购精选集合
2. 健康抗炎 素食/低糖月饼之选
3. 酒醇茶香 甜魔必选朱古力月饼


文﹕Kiko
编:Kar


关键字
中秋节
月饼
榴槤
蕃薯
纯天然
奶黄月饼
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
4天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
Stephy新开茶饮店 台湾回流 期间限定 联乘Snoopy推棉花糖朱古力特饮
2020-09-11