踏入大閘蟹嘅季節，各位蟹迷想食多幾round，梗係要用盡各間餐廳嘅優惠啦！以下精選嘅大閘蟹放題同套餐，透過OpenRice買餐飲券有73折起優惠；menu更分別加入片皮鴨、海鮮蒸氣鍋、送白葡萄酒等元素，睇啱就入手喇～
2小時任食大閘蟹放題 陶源酒家 
圖：傳統酒家推出嘅2小時放題，可以無限任食大閘蟹、北京片皮鴨、多款小菜、主食同甜點，而大閘蟹更提供清蒸、太雕蒸同油鹽焗3款口味𠻹。另外每位食客可享「特盛三式」一份，當中包括鮑汁扣原隻鮑魚伴百靈菇、金湯小米燴遼參同蟹粉扒豆苗；透過OpenRice預訂，每位再送全新口味花雕熟醉蟹一隻，盡享蟹滋味。
74折起餐飲券：（按此）
2小時任飲任食大閘蟹、片皮鴨放題 富臨皇宮
圖：食大閘蟹送白酒！呢間酒家嘅2小時任飲任食大閘蟹放題，每枱2人起兌換優惠，即送精選白葡萄酒一枝，讓你邊飲邊嘆清蒸、花雕蒸同鹽焗口味嘅大閘蟹。另外片皮鴨、臘味糯米飯、薑茶雪耳紅棗等小菜、主食同甜品都可以無限追加。每位更送上一份「珍味四饌」，包括蠔皇原隻鮑魚、花膠濃雞湯、生拆蟹粉扒豆苗同菠蘿生炒骨，夠晒豐富。
83折起餐飲券：（按此）
150分鐘大閘蟹龍蝦海鮮蒸氣鍋餐 緣味小聚
圖：ktming
港九都有分店嘅海鮮蒸氣鍋餐廳，將3隻爆膏大閘蟹加入套餐中，配埋生猛厚肉嘅龍蝦、精選法國生蠔、韓國鮮鮑魚、海生蝦等多款海鮮，保證鮮味十足。另外肉類則有澳洲M5和牛、西班牙黑毛豬同手打牛肉球，要油香嘅有，要有咬口嘅都有！
73折起餐飲券：（按此）
皇者大閘蟹2人餐 鴻星中菜
圖：AR2YE
呢間知名酒家嘅皇者大閘蟹2人餐包括8道菜，當中清蒸大閘蟹標明配2皇1后，公每隻約5兩，乸則每隻約3兩；另外鮮拆蟹粉小籠包、蟹肉芙蓉羹都充滿蟹嘅鮮味，用料十足。配埋翡翠炒蝦球、黑醋霜降肉等精緻小菜，再以薑茶湯丸驅寒暖胃，滋味又滿足。
9折起餐飲券：（按此）
東海大閘蟹‧淺嚐2人餐 東海薈
圖：要舒舒服服嘆大閘蟹同美味中菜，重有呢間酒家可以揀，8道菜套餐中，每位包3隻清蒸大閘蟹，同樣係2皇1后，公每隻約5兩，乸每隻約3兩，但配嘅中菜就略有唔同，例如有豉油皇煎虎蝦、金瑤雞絲羹、鮮鳳梨黑豚肉等，但一樣會配鮮拆蟹粉小籠包同薑茶湯丸。
9折起餐飲券：（按此）
