成日唔喺屋企食飯，畀母親大人話唔健康？其實出街食都可以食得健康又養生，例如呢個由台灣觀光局同台灣休閒農業發展協會搞嘅台灣農莊養生美食節就特別邀請咗16間知名農莊，10月1至2號一連兩日將台灣嘅養生美食帶到香港。
今次台灣農莊養生美食節@荷里活廣場有唔同專區，最特別嘅要數到雲集10間台灣頂級休閒農莊代表嘅養生美食區，即席炮製寶島美食！例如頭城休閒農場嘅酒釀五色丸子唔單止色彩繽紛啱哂相機食先，而且加入蕃薯、南瓜同黑芝麻等唔同顏色食材，包含多種營養又禦寒暖胃。
另外仲有卓也小屋特別加入有延緩衰老功效艾草嘅客家小漢堡，台灣休閒農業發展協會選用含豐富維他命C同纖維宜蘭三星蔥嘅芝麻三星蔥油餅，同小崇果園既明目又生津解渴嘅愛文芒果冰等養生美食。
除此之外仲有一個天然果醋專區，由多間台灣農莊同蜜釀工坊主理，用台灣水果釀製出28款手工健康果醋，啱哂試完小食後飲返杯，養生滋潤。
台灣農莊養生美食節@荷里活廣場
活動日期：2016年10月1至2日
地址：鑽石山荷里活廣場一樓明星廣場
*只需即場捐款港幣20元，即可到養生美食及果醋專區換領養生美食一份及天然果醋一杯，每日名額有限，額滿即止，捐款將撥捐港澳台灣慈善基金會有限公司。
隨時接收最新資訊
讚好OpenRice專頁！