下个星期四就系中秋节,唔单止代表秋天终於嚟,亦代表又到大闸蟹当造嘅时候啦!沙田呢间酒店嘅中菜厅今年再度推出任食大闸蟹套餐,以肥美江苏太湖大闸蟹做主题,清蒸、得,做蟹粉小笼包,得,加黑松露,亦得,得咗!
即将喺19号开始嘅任食大闸蟹套餐有唔少传统同创新食法,例如有最经典嘅清蒸大闸蟹,加入罕见又滋补雪燕嘅蟹肉鸡茸雪燕羹。另一方面又有比较少见冻盘麯酒浸大闸蟹,即系蒸熟大闸蟹後用绍兴酒、五粮醇同香料浸泡一日,有酒香加持蟹膏更甘香!
无谂到中餐馆都有Fusion菜?黑松露大闸蟹呢道菜式就大胆加入西餐常用嘅矜贵食材黑松露,黑松露同大闸蟹两者相得益彰,更浓香诱人。当然如果钟情蟹粉嘅话,亦有最大路嘅蟹粉小笼包可以一试。
大闸蟹美食仲包括蟹粉龙趸斑球同巴马火腿焗大闸蟹盖等。意犹未尽嘅话,记得试埋佢地嘅创意甜品,例如甘甜清新嘅菊花姜茶雪糕,同酸甜解腻嘅话梅花雕雪葩,为呢个秋之「蟹」逅画上甜蜜句号。
帝玉庭 滋味「蟹」逅
供应日期:2016年9月19日至11月30日
供应时间:18:00 - 22:00
*分任食套餐及单点蟹馔
查询或订座:2694 3939
随时接收最新资讯
赞好OpenRice专页!