冬天唔少得一杯熱烘烘嘅回魂啡，加埋鳥結糖，感覺更加小確幸喔！Pacific Coffee近日推出咗兩款節日限定鳥結糖coffee，用上全新農地直購嘅18/25 Altura咖啡豆調製，口感幼滑，富櫻桃同堅果味，餘韻帶有太妃糖嘅甜潤。
新品之一嘅鳥結牛奶咖啡，滲出濃濃鳥結糖味，更能突出奶香，加上清甜蜜糖同香脆杏仁粒，層次感一流！另一款雜莓鳥結牛奶咖啡，啱落有莓味酸香，果味濃之餘，感覺亦更清新。
另外尚有一系列以聖誕為主題嘅糕餅甜點同輕食，包括聖誕紅莓鳥結蛋糕、聖誕榛子雪芳蛋糕、聖誕粉紅玫瑰鬆餅、聖誕煙火腿配紅莓蘋果醬合桃包等。
Product方面，就有聖誕小白熊保溫杯、聖誕隨行杯小白熊陶瓷杯，必買聖誕版小白熊咖啡禮券（$158），一套有5張標準裝咖啡券，可以換領新推嘅18/25 Altura咖啡飲品或者推廣飲品，抵買！
文：fi
隨時接收最新資訊
讚好OpenRice專頁！
