鐘意食雞煲嘅你哋絕對唔可以錯過呢間！【亞南雞煲】主打惹味雞煲，食材高質，價格親民。餐廳位於花園街，位置十分便利。
【亞南雞煲】嘅特色係可以order用新鮮雞煮嘅雞煲！推介大家試蟲草花野生竹笙花膠濃湯雞煲。雞湯香氣四溢，好清甜，雞肉肉質嫩滑，一啲都唔「嚡」！湯入面加入咗好多蟲草花，咬落好有口感，花膠口感軟熟，竹笙大大條，真係超足料，飲多幾碗都唔會厭！另外，日本帶子花甲雞煲都係大熱之選，試完之後就明點解咁多人鍾意。雞煲調味出色，花甲同帶子都好厚肉同埋好鮮甜，雞肉吸收哂啲自家製雞煲醬，超惹味！配埋大大杯自製飲品，超滿足！
食完雞煲，就可以加湯打邊爐，必食手打墨魚滑及手打牛丸，爽口彈牙！佢哋嘅小食都超出色！招牌脆皮炸牛坑腩酥脆唔膩，肉質軟嫩且不失咬口。而椒鹽鮮鮑魚好惹味，鮑魚新鮮爽彈。