香港近年愈嚟愈多新派餐飲體驗，其中【ASOK THAI GARDEN】更係話題性十足！呢間泰式餐廳以Fusion菜式為主，將傳統泰式風味與現代創意料理完美結合，令客人可以品嚐多款獨特菜餚。更特別嘅係，餐廳仲加入咗「猛男侍應互動體驗」。晚市氣氛熱烈，好玩度爆棚，成為聚會、慶祝、打卡好去處，令人流連忘返。
泰式度假風裝潢 坐低即刻Feel到泰國氣氛
【ASOK THAI GARDEN】裝潢方面行「木系度假風」，石子路、藤椅、特色吊燈等設計，牆身採用自然色調，搭配木製傢俬，令成間餐廳散發住輕鬆度假氣氛，令人有一種暫時離開咗香港、置身泰國度假小島嘅錯覺。唔少人專登約埋朋友嚟試新嘢，感受泰式佳餚同互動體驗。
泰式Fusion菜 地道風味 x 創新料理
【ASOK THAI GARDEN】除咗氣氛一流，食物質素亦相當不錯，唔少菜式都充滿創意，既保留泰式風味，又加入Fusion元素，令人驚喜！芒果糯米飯甜筒勁有創意，糯米飯囗感軟糯且充滿椰奶香，配搭清甜芒果及甜筒內嘅椰子雪糕，非常清新，味道與造型同樣吸引！冬蔭功大頭蝦意粉味道濃郁，酸辣開胃，大蝦爽口，絕對係重口味人士嘅最愛！蒜香班蘭烤羊架火候掌握完美，蒜香濃郁，配搭班蘭葉嘅淡淡甜味，層次豐富。如果叫咗豬肉生菜包，猛男侍應會親自包好送上，甚至幫你肌榨青檬汁，生菜包肉碎惹味，配上檸檬汁更添清爽感，令人忍不住再三回味！
必試猛男侍應互動活動 全場High爆
除咗美食之外，【Asok Thai Garden】最特別之處，莫過於佢哋晚市限定嘅「猛男侍應主題活動」！。一班猛男侍應唔單止負責上菜，更係成個餐廳氣氛嘅靈魂人物，令客人享受到刺激又有趣嘅用餐體驗！客人選購雞尾酒後，猛男侍應會展現肌肉同調酒技巧，一邊飲一邊欣賞型男風采！猛男侍應即場用肌肉力量手榨檸檬汁，為你帶嚟視覺震撼。當晚生日的客人如選購甜品，可享免費蠟燭及猛男賀壽，猛男侍應會同壽星一齊慶祝及合照。惠顧「猛男特飲」可獲親自調酒及公主抱服務，全場請飲更可獲猛男侍應抬轎，場面極度熱鬧！
想食Fusion泰菜？想體驗猛男互動餐飲？快啲約埋朋友試試【ASOK THAI GARDEN】啦！晚市限定猛男活動，記得Mark定時間！