如果你想搵一間可以感受到濃濃日本風味嘅燒肉店，【YAKINIKU KAKURA】絕對係你口袋名單入面不可或缺嘅一間。店鋪致力於重現佐賀地區嘅燒肉精神，由選材到裝潢，每一環都十分講究。全店食材選用日本直送嘅優質肉類、鮮海產同蔬菜。食材等級無可挑剔，全部都係用心挑選，明火炙燒令食物更添香氣。店內設有先進嘅排煙系統，食燒肉之餘唔怕成身油煙味。

佢哋嘅午市套餐CP值爆燈，黑毛和牛大判燒係全店其中一大賣點。牛肉雪花紋理分佈均勻，入口油脂香撲鼻，加上溫泉蛋汁作沾醬，簡直係肉食者天堂！而牛舌盛合包括塩味牛舌及蔥塩味牛舌，牛舌燒後外脆內嫩，撒上海鹽後味道更突出，層次豐富。

甜品同樣有驚喜，杏仁布丁滑嫩香濃，唔會太甜，為今餐劃上完美句號！