呢度最出名就係粉紅雪山芝士炒飯。呢道美食用玻璃罩蓋住，打開嗰刻煙霧飄渺，真係好似座雪山咁。粉紅色外層係用蛋白打成梳乎厘包住炒飯，再加入咗紅菜頭粉製成，顏色粉嫩得嚟又自然健康。打開之後芝士熔岩蜂湧而下，炒飯香氣四溢，內有炒香嘅冬菇、紅蘿蔔絲、帶子同埋蘆筍，好食又好睇。
如果你超鍾意食芝士，一定要試試佢地嘅招牌雪山芝士火鍋。芝士鍋嘅配料好豐富，有澳洲西冷牛扒、八爪魚燒、炸雞、免治雞肉丸、同法包等。芝士濃郁得嚟帶少少咸香，每樣食材都同芝士幾夾。牛扒一蘸芝士，肉汁同芝士香氣交織，炸雞酥脆得嚟唔油膩，配埋香滑芝士真係令人欲罷不能。特別推薦可以加一份辛辣麵撈芝士食，畫龍點睛。
麻辣泡菜煮蜆呢個菜式啱晒鍾意食辣同重口味嘅人。啲蜆係用韓式辣醬加泡菜煮成，每隻蜆都掛住濃濃醬汁，入口即刻有股酸辣鹹香一齊衝出嚟，但又唔會死辣。
三味韓式炸雞一次過滿足晒幾個願望。有蒜香蜜糖蛋黃醬、明太子醬同青芥末蛋黃醬三款口味。炸雞本身外脆肉嫩，食落唔油膩，醬汁包住雞肉，惹味得嚟唔會掩蓋食材原味。
【Seoulmate】嘅餐牌有好多唔同嘅創意料理，例如西班牙泡菜海鮮飯。你可能會覺得韓式同西式crossover好似唔係幾夾，但原來泡菜嘅微辣加埋海鮮嘅鮮味意外地夾，辣中帶酸，食落幾有驚喜。海鮮飯面頭鋪滿青口、大蝦、魷魚等彈牙海鮮，非常豐富。而明太子忌廉汁貓耳朵煙煙韌韌，面頭仲鋪咗三文魚籽同炸三文魚皮，同creamy嘅醬汁好夾。
甜品係一大亮點。雪山開心果奶凍非常適合打卡。外型非常靚，奶凍滑得嚟夠厚身。面頭係一層淡忌廉同開心果碎，淡淡奶香配上堅果香令人滿足，層次豐富又唔會太甜，啱晒唔鍾意膩口嘅人。
飲品亦都非常吸睛，熊仔造型冰塊配蝶豆花金桔梳打，夢幻紫藍色非常適合打卡。梳打味道飲落清新解膩，解渴一流。食完主食嚟返杯，完美收尾。而奶蓋系列個個都好似小山咁，造型好有特色，有宇治抹茶、芒果奶蓋雪山等，飲落去奶香濃郁，奶蓋厚滑順口，層次感十足。
最窩心嘅係，【Seoulmate】係pet-friendly㗎！餐廳歡迎你帶毛孩一齊嚟食飯，寵物同主人都可以坐得舒舒服服，唔使擔心會唔方便。呢度非常適合同朋友 chill 吓、影下相、食個靚 lunch，又或者拍拖慢慢歎返個晚餐。如果你鍾意食好味嘅創意料理同打卡，不妨試試【Seoulmate】。
立即搶購：【8折】韓式cafe現金券
更多熱賣推介：https://bit.ly/3Ism0zb