【特约分享】人生历练作动力 由苏炉面包店重新出发
2019-08-10

对於更生人士,可能你同我都好陌生,其实佢哋就生活喺我哋身边,一齐喺香港社会奋斗。但佢哋面对嘅困难、压力,真系比我哋想像中大得多。住屋、工作同生活所有细节都要重新嚟过,喺等待社会重新接纳佢哋嘅过程中,有人伸出援手帮一把,意义真系好大。


「苏炉」门外有多款包点选择,亦有堂食座位坐低慢慢食。

除咗包点,店内仲有热食、甜品同饮品拣。

靠自己 重新出发

「苏炉」面包舖,正正就系更生人士重投社会嘅踏脚石,为佢哋提供工作机会,由零开始学做面包师傅,亦帮手研发新食品、营运店舖,同时帮手制作美食到会,个人或团体都可以向佢哋订到会服务㗎,仲会配合客人要求自制小食。喺工作过程学一技之长,日後就可以靠自己双手打拼将来。


怀旧唐饼 新鲜蛋挞

「苏炉」设喺柴湾兴民邨,系一个好多公公婆婆住嘅地方,所以店家以传统包点同唐饼为主-蛋挞、菠萝包、芝麻饼同合桃酥等,由面包师傅教导下慢慢学整。从零开始,至而家靠自己焗到一盘盘新鲜包点出炉,其实都好有满足感。

包点柜好有怀旧感觉。

留意返,蛋挞每日9:30、11:30、14:30同16:30新鲜出炉。

有好多款唐饼拣,而家真系买少见少。

全部包点日日新鲜焗制㗎!

店家配合 逐步适应社会

更生人士刚重踏社会,最先要解决就系生活费问题,所以店家亦为佢哋安排即日出粮,为佢哋解燃眉之急。直至生活重上轨道,就慢慢安排由两星期出粮,再发展至普遍嘅一个月出粮,等佢哋逐步适应社会步伐。

「苏炉」畀佢哋机会,从零学做面包师传。

想为佢哋打气 去湾仔美食博览啦 

如果你想试吓佢哋嘅手势,顺便为他们打气, 8月可以去湾仔香港会议展览中心举行嘅美食博览社企摊位(1E展览厅A18号)喇,到时仲有其他社企摆档㗎。喺首两日(即8月15至16日)於社企摊位买够一定金额,仲有精美纪念品送𠻹!(纪念品数量有限,送完即止)


传统唐饼 手制月饼

「苏炉」会喺美食博览开卖自制芝麻饼、曲奇、合桃酥、光酥饼等,呢啲旧式唐饼好少机会食到喇,一齐回味吓怀旧味道啦。店家仲特别为嚟紧中秋节,新推自制「迷你脆皮奶黄月饼」,馅料软滑,几好食㗎!

芝麻饼又脆又香。

松脆合桃酥。

仲有曲奇饼、光酥饼同马仔等,好多旧式唐饼令人好怀念呀。

迷你脆皮奶黄月饼,预早买定手制月饼过中秋啦!

香港贸发局美食博览 2019

日期:2019年8月15至19日 (星期四至星期一)

时间:10:00至22:00(8月15至18日)、10:00至18:00(8月19日)

地点:湾仔港湾道1号香港会议展览中心

社企摊位:1E展览厅A18号


苏炉
网址: https://s.openrice.com/QrbS0mRC900~diZbuYna_
地址: 柴湾大潭道188号兴民商场4楼404号舖
电话: 28891128
客户专讯
本月热门
【随时更新】便利店寻宝 每周新品速报
2019-07-30
3大散水饼推介 Last day派得体面又够抵
2019-07-25
日本过江龙回转寿司登陆佐敦 近百款选择 新开业优惠$12极上拖罗寿司
3天前
7月份好评餐厅十强
2019-08-06
【2019中秋】最新人气话题+送礼靓盒月饼集合
3天前