【日嚐作乐】Chill住WFH!在家轻松叹外卖美食 烧肉、火锅、打卡下午茶通通有
2021-03-22

疫症已经横行咗超过一年,对我哋嘅日常生活当然有好多影响,亦改变咗大家唔少嘅习惯。不过即使喺疫情下,我哋都可以从新常态中,寻找趣味!年度盛事「OpenRice优秀开饭热店大赏」即将开始接受投票喇,今年以「日嚐作乐」为主题,希望大家从每日品嚐到嘅美食中创造乐趣,从探索餐厅中感受香港「味」力。3月24号就开始可以一人一票投选你心目中嘅本土出色热店!而喺未开始投票前,大家都可以先参与「有奖分享活动」,有机会赢取奖品总值超过30万!想知点玩?记得睇到最尾!


经过上年一「疫」,唔少餐厅都各出奇谋,将不可能变成可能,将大家一向认知只可以於餐厅用餐嘅食物搬返屋企!疫情还未过去,大家都系继续乖乖地Stay At Home,享受一系列嘅外卖美食,除咗有最受欢迎嘅烧肉、火锅,连酒店级打卡下午茶、妈妈味道嘅花胶炖汤及新鲜海鲜都有!


悠然下午茶 柏景餐厅   

疫情期间真系乜都有得外卖,连酒店下午茶都有,叫返set同闺蜜喺屋企影相打卡都唔错!呢间酒店嘅外卖礼盒有各式精致嘅甜点,包括焗富士苹果芝士蛋糕、法式炖蛋泡芙及宇冶抹茶红豆卷等。至於咸点方面有迷你松露牛肉芝士汉堡及巴马火腿鹌鹑蛋班尼迪等五款,另外当然唔少得自家焗制嘅经典牛油松饼及提子松饼喇!温馨提示外卖服务由下午3时15分至5时15分供应,需1日前预订,早一日订购仲有8折呀。

订购方法:https://bit.ly/3vg9sDa 


铁板烧烧肉外卖 牛繁  

愈来愈多烧肉餐厅推出外卖送上门烧肉,呢间来自日本、主打牛嘅烧肉连锁店都唔例外~餐厅推出铁板烧烧肉外卖套餐,由2人餐到4-5人餐都有,全部套餐都包括多个部位嘅牛肉,仲有猪肉、鸡肉、白饭及饮品。想再食好啲,可以单点如澳洲M9和牛及日本A5黑毛和牛西冷等靓牛,叫够$1000会免费送埋个炉畀你,好抵!

订购方法:致电2638 8099


台湾人气火锅店 无老锅

等到天荒地老!每次去台湾都必食嘅无老锅,虽然仍然未喺香港开店,但佢地官方嘅无老锅宅配服务早几个月前正式抵港喇~台湾无老锅总部授权鼎王麻辣锅(香港)将人气火锅品牌「无老锅」以外卖型式於香港发售,今次同时引入「无老白汤锅」及「无老辣香锅」两款汤底,自选跟猪肉或牛肉,其他食材包括冻豆腐、排骨酥、虎皮豆卷、鱼饺、蛋饺、豆皮及赞岐乌龙面,连安坐家中都感受到台湾风味。

订购方法:

【无老锅宅配礼盒】专线(只限WhatsApp)
尖沙咀店 : https://wa.me/85295293885?text=我要订鼎王全港送
将军澳店 : https://wa.me/85294431366?text=我要订鼎王全港送


新鲜海野 Hungry Monkeys

由香港职业足球员欧阳耀冲开设、主打本地新鲜海鲜嘅网店。海鲜由船家每日出海捕获,再即日送到,保证新鲜!每只虾同波士顿龙虾都系爆晒膏,鲍鱼弹牙,招牌蛏子王亦鲜甜。另外仲有进口嘅阿拉斯加长脚蟹、日本海胆及A5和牛等供应。而且全部海鲜都会洗乾净、处理好晒啲内脏先至送出,啱晒懒人!

订购方法:https://www.hungrymonkeysdelivery.com/


养身美颜炖汤 花胶妈妈

香港人咁忙碌,好多人都无时间煲返碗靓汤畀自己或屋企人饮。有见及此,一位妈妈因为感同身受,就创立咗呢间以花胶作主题嘅炖汤网店,以养身同提升免疫力为主。所有汤款都系真空包装,汤底连汤料冷凝成啫喱状,招牌四款皇牌汤水包括括虎乳灵芝鳄鱼肉川贝海底椰猪𦟌炖花胶筒汤、响螺柱贝象拔蚌猪𦟌炖花胶筒汤、响螺柱贝虫草花炖三黄鸡花胶筒汤同埋虫夏草花旗参猪展红枣桂圆炖鸡泡鱼胶汤,款款都放入南非大花胶筒,足料清甜。

订购方法:https://www.momstew.com/ 


投票未正式开始前,您可以先分享一张与美食的快乐时刻😋到个人FB/IG (必须设定为公开),加Hashtag #日嚐作乐 #OpenRice。完成整个投票活动後,即有机会赢取奖品总值超过30万!


投票和奖品详情将於3月24日正式公布,密切期待:https://bit.ly/3bRsGaH

*活动须受条款及细则约束


文: Yanica

关键字
外卖
送上门
烧肉
火锅
炖汤
海鲜
下午茶
日嚐作乐
优秀开饭热店大赏
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
4天前
悠长假期 复活节下午茶推介
2021-03-26
【2021生日优惠】超爽着数!免费任饮任食日式烧肉/火锅(持续更新)
4天前
【最平$298最贵$938】佐敦新开日式和牛烧肉放题 独家引入鹿儿岛小田和牛
7天前
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01