【开饭热店入围名单巡礼】叹杯咖啡兼打卡 人气咖啡店精选
2019-02-27

常问道人生有几多个十年,OpenRice啱啱就有两个。踏入开饭二十年,优秀开饭热店2019以「历久嚐新」做主题,拥抱经典、传统老味道之余,亦紧贴潮流,饱嚐新世代嘅美食。即刻睇下边啲必试热店入咗围啦。
 


今时今日饮杯咖啡唔单止系提神咁简单,仲系一种品味同生活享受,无论你系追求高品质咖啡、宁静舒适嘅环境、甚至系打卡为主嘅特色甜品,今年优秀开饭热店大赏咖啡店十强当中都总有一间满足到你!


京都红到返香港 % Arabica

唔少去开日本玩嘅都知道去京都就要搵呢间咖啡店,但唔系个个都知其实品牌第一间店其实开喺愉景湾,2017年终於喺尖沙咀天星码头开分店,旋即成为咖啡迷热点!集合世界各地特色咖啡豆自家烘焙,加上日系简约装修同维港海景,系红得有道理嘅。


图:MGani


旺角特色竹炭Latte Pause It

旺角Cafe何其多,呢间位於山东街地舖嘅Cafe旺中带静嘅地利,加埋抢眼嘅黑白装修同落地大玻璃窗环境先赢。最多人打卡嘅竹炭鲜奶咖啡够哂特别,有咖啡醇香同时又有少少竹炭粉嘅口感。另外仲有浅蓝色嘅蓝橙拿铁同粉红色嘅红丝绒拿铁同样啱哂相机食先。


图:BB为食妹Lolinglingg


山林道文青酒吧Cafe 栀子

又一间旺中带静嘅Cafe,高楼底、白色主调装修加上装饰特别有文青感。食物亦走小清新风格,有健康轻食、Bagel、果昔等等,不过估佢唔到嘅系同时又会供应本地手工啤酒、清酒、Cocktail等,想饮咖啡定饮酒你话事。


图:imalwayshungrymiszetofoodie


楼上Cafe扮草地野餐 草民

就系睇准大家有时去咖啡店系想放松一下嘅心态,呢间尖沙咀楼上Cafe特别布置草地畀大家喺室内扮野餐,原木色屋仔亦系另一个打卡点。提供手冲咖啡、意粉、小食、甜品等。招牌爆脆草地滚球其实系朱古力球甜品,有得玩有得食。


图:Owl24L.T.L.


台湾过江心形窝夫 Dazzling Cafe

由台湾开到香港嘅Cafe,铜锣湾店走田园风格,落地大玻璃窗加上兔仔耳装饰嘅櫈成为少女们自拍热点。本来招牌甜品系蜜糖吐司,不过早前推出嘅绵绵珍珠奶茶松饼亦大受欢迎,心形窝夫上面有奶茶味雪糕、忌廉同珍珠,锺意烟韧口感嘅可以再加麻糬夹心!


图:yoyo454emmi


相机食先主题Cafe 白宫

以上介绍嘅咖啡店虽然各有打卡位,但荃湾呢间就打正旗号以「相机食先」为主题,特设影相区摆满唔同得意道具,All day breakfast材料丰富,连热饮都可以加唔同卡通人物Latte Art,畀大家喂饱相机同时喂饱自己个肚仔。


图:Prince_wing02Rene_ray


咖啡店十强仲包括佐敦优质精品咖啡店Studio Caffeine、供应自家烘焙咖啡同西餐嘅Urban Coffee Roaster、纽约千层蛋糕名店Lady M、以梦幻主题同自家窝夫取胜嘅咖啡湾,边一间系你嘅Cup of coffee,值得你用手上嘅一票嘉许?投票更有机会获得丰富奖品,即刻票投心水:https://www.openrice.com/info/awards2019/index.html 




文: Cathy

关键字
开饭热店大赏
入围名单
咖啡
Cafe
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
尖沙咀新商场开幕 过江龙餐厅一览
5天前
日本人气茶室登陆尖沙咀 招牌Tea Set、甜品推介(有片)
2019-09-25
【特约分享】茶记实测 西多、菠萝油控必睇
2019-09-19
观塘新开6000尺西餐厅 $480食八道菜西式omakase
2019-09-25
【医食无忧】安宫牛黄丸应该哪个时候用?用作保健危害大?
2019-10-04